19 maja kanał kala ahraharadka Ždanovičy, pryznačany dla viaślarnaha słałama, zapoŭniŭsia mocnym patokam vady, choć zvyčajna jaje tam amal niama. Heta adbyłosia, vierahodna, z-za techničnaha skidu vady z Zasłaŭskaha vadaschovišča (Minskaha mora). U vyniku trasa nabyła vyhlad sapraŭdnaj hornaj raki, piša Pristalica.by.
Na miescy navat źjavilisia bajdaračniki i inšyja amatary vodnaha sportu — jany skarystalisia mahčymaściu pakatacca pa chutkaj płyni i atrymać ekstremalnyja ŭražańni.
Šmat chto ŭ sacsietkach adznačyŭ, što nikoli raniej nie bačyŭ kanał u takim stanie, bo jon bolšuju častku času zastajecca suchim. Niekatoryja karystalniki navat spačatku padumali, što videa zhienieravana niejrasietkami — nastolki niezvyčajna vyhladaŭ patok vady.
Hety abjekt byŭ pabudavany ŭ 1981 hodzie jak trasa dla spabornictvaŭ pa viaślarnym słałamie i vykarystoŭvaŭsia dla trenirovak spartsmienaŭ. Adnak paśla jaho zaniadbali: vada tudy traplaje redka i tolki pry peŭnych techničnych umovach. Apošni raz heta było dva hady tamu.
Kamientary