Kijeŭskaje vydaviectva «Luta sprava» vydała adzin sa svaich biestseleraŭ pa-biełarusku. Druhaja i centralnaja z tryłohii Ivana Siemiesiuka kniha ŭ pierakładzie Alesia Płotki vychodzić na ŭzdymie ukrainska-biełaruskich kulturnickich znosin. Paśla Kijeva biełaruskaja litaraturnaja viasna pasuniecca ŭ Homiel i Čarnihaŭ, dzie knihu prezientujuć u farmacie ahrašlachty — šyrokim składam udzielnikaŭ.
Ivan Siemiesiuk — mastak i piśmieńnik, aŭtar knih «Prihodi paviana Tomasa», «Ŝodieńnik Ukrajinožiera» i «Faršrutka», adzin sa stvaralnikaŭ prajektu «Žłob-Art» i ŭdzielnik «Mistiećkoho Barbakanu», mastak knihi Antona Mucharskaha «Skazki russkaho mira». «Kniha znojdzie svajho čytača i ŭ Biełarusi, i va Ukrainie. Kali pierakład byŭ užo zrobleny, adna modnaja ŭkrainskaja paetka vykazała sumnieŭ, na chaleru pierakładać Siemiesiuka na biełaruskuju? U hety momant ja dasiahnuŭ dzenu — treba vydavać. Kniha ŭtrymlivaje jedki humar, jakoha nam nie chapaje, i hustoŭna i padkreślivaje niepaźbiežnaść defrahmientacyi sparachniełych sistem», — kaža pierakładčyk.
Pieršaja ukrainska-biełaruskaja sustreča ahrašlachty prajšła ŭ Kijevie ŭvosień 2016 u farmacie indyhienata i ciapier tvorčy panoptykum rušyć pa haradoch. Razam ź pierakładam hości paznajomiacca z novymi tvorami i knihami šlachciukoŭ Siemiesiuka, Płotki, Siarhieja Pryłuckaha i Andrejem Hančarukom z «Lutaj spravy». U Čarnihavie da šlachcičaŭ dałučycca aksakał pamiežnych znosinaŭ Uładzisłaŭ Achromienka.
Litaraturnyja sustrečy projduć:
Homiel Ahrašlachta Homiel | Cup of Peace | 27.05
Čarnihaŭ Ahrašlachta Čarnihaŭ I intermezzo I 28.05
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary