«Naša Niva» paviedamlała, što 4 červienia na trasie M1 pieraviarnuŭsia aŭtamabil Toyota Land Cruiser. U vyniku avaryi zahinuŭ pasažyr mašyny. Jak vyjaviłasia, heta byŭ plamieńnik staršyni Centrvybarkama Lidzii Jarmošynaj.
Babrujski biznesmien i chakieist Vadzim Kapuścin u toj dzień udzielničaŭ u honkach na ŭsiedarožnikach. Rejd «Partyzanskija ściežki — 2017» prachodziŭ u Mastach Hrodzienskaj vobłaści.
Pa darozie nazad za styrno sieła jaho znajomaja. U rajonie Minska jana nie dała rady kiravańniu, aŭtamabil niekalki razoŭ pierakuliŭsia. Kapuścin, jaki siadzieŭ na zadnim pasažyrskim kreśle, nie byŭ pryšpileny. Jon vylecieŭ praź vierchni luk mašyny i ad atrymanych traŭm pamior na miescy.
Vadzim Kapuścin hulaŭ za chakiejny kłub «Babrujsk», apošnim časam uvachodziŭ u amatarskuju zbornuju horada.
U jaho zastalisia žonka i dvoje dziaciej.
Kamientary