Jany dajuć karotkaterminovy kanał suviazi dla karektavańnia ŭdaraŭ pa celach.
U Kijevie mohuć pracavać rasiejskija Mesh-retranślatary, jakija dajuć «šachiedam» karotkaterminovy kanał suviazi dla karektavańnia ŭdaraŭ pa celach. Pra heta napisaŭ u fejsbuku daradca ŭ pytańniach raźvićcia technałahičnych kirunkaŭ abarony Ukrainy Siarhiej «Fłeš» Biaskresnaŭ, paviedamlaje RBK-Ukraina.
«Za ŭvieś čas vajny ja ni razu nie pamyliŭsia ŭ techničnych vysnovach i prahnozach adnosna našaha voraha. Ciapier ja nastojvaju, što ŭ Kijevie ŭklučajucca radyjoretranślatary Mesh supiernika», — padkreśliŭ «Fłeš».
Ź jahonych słoŭ, jany mohuć stvarać karotkaterminovy kanał suviazi z «šachiedami».
Heta, jak miarkuje daradca, dazvalaje rasijanam karektavać palot bieśpiłotnikaŭ niepasredna padčas ataki.
Biaskresnaŭ ličyć, što takich pryład u stalicy moža być niašmat — ad adnaho da troch. Adnak vyjavić ich dosyć składana.
«Takija retranślatary ciažka znajści, ale šukać treba», — napisaŭ jon.
«Fłeš» padkreśliŭ, što pakul takija pryłady pracujuć, całkam zakryć Kijeŭ srodkami radyjoelektronnaj baraćby budzie składana. U jakaści adnaho z prykładaŭ jon padaŭ udar pa budynku SBU.
«U momant udaru ŭ niebie nie było inšych «šachiedaŭ» — retranślataraŭ. Ja taksama pravioŭ analiz inšych udaraŭ pa mastach Kijeva i mahčymaści arhanizacyi dalokich kanałaŭ Mesh na RF u hetyja momanty», — dadaŭ jon.
Biaskresnaŭ taksama źviarnuŭ uvahu na fatahrafii ŭ rasijskaj infarmacyjnaj prastory ŭkrainskich srodkaŭ SPA, jakija raźmiaščajuć na staličnych mastach. Jon adznačyŭ, što schavać ich ad praciŭnika faktyčna niemahčyma, pakolki praz takija abjekty štodnia prachodziać dziasiatki tysiač ludziej.
Na dumku «Fłeša», najaŭnaść anłajn-kiravańnia «šachiedami» stvaraje pahrozu nie tolki dla mastoŭ, ale i dla srodkaŭ supraćpavietranaj abarony.
Jon taksama rastłumačyŭ, što dla dakładnaha źniščeńnia kankretnaj apory abo hruzu mosta patrebny stabilny kanał kiravańnia bieśpiłotnikam niepasredna da momantu ŭdaru.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
))) Moj praciah nakont zajaŭ hetaha FłešaBrovdimadziara ińšych ab " retranślatarach u RBiełaruś" jakija va " usim vinny" )))
Nakont " pracujut pa Maskva rf" ???
Bolš hoda čujem ab roznych ptuškach balistyčnych ab " stajach ptušak" ab rojach voś voś ..voś voś....fłamihi pielikany ..strausy pavliny....
Pieŭni Prakukarekał a tam chaj i uschodzie
Tamu jak u nas kažut...
Pačutaje Pabačyć i pamacać..
..dZiemakracyja )) u lepšym vypadku