Znakamitamu psichaterapieŭtu było 87 hadoŭ.
Saviecki i rasijski psichaterapieŭt i televiadoŭca Anatol Kašpiroŭski pamior va ŭzroście 87 hadoŭ, paviedamiŭ siońnia televiadučy Andrej Małachaŭ.
Papiarednie Kašpiroŭski pamior ad spynieńnia serca, paviedamlaje «Baza».
U razmovie z vydańniem jaho dyrektar raspavioŭ, što try dni tamu jaho špitalizavali ŭ balnicu ź nizkim ciskam. Siońnia rodnym paviedamili, što jon pamior. Raniej jon nieadnarazova prachodziŭ abśledavańnie, adnak pry hetym skarhaŭ na zdaroŭje ŭ jaho nie było.
Anatol Kašpiroŭski naradziŭsia 11 žniŭnia 1939 hoda ŭ Kamianiec-Padolskaj vobłaści Ukrainy, skončyŭ Vińnicki miedycynski instytut, pracavaŭ psichaterapieŭtam u psichijatryčnaj balnicy, a paźniej byŭ doktaram-psichaterapieŭtam zbornaj SSSR pa ciažkaj atletycy.
Kašpiroŭski atrymaŭ usiesajuznuju viadomaść u kancy 1980‑ch hadoŭ dziakujučy telepieradačam «Sieansy zdaroŭja doktara-psichaterapieŭta Anatola Kašpiroŭskaha», jakija tranślavalisia viečaram u niadzielu pa Pieršym kanale Centralnaha telebačańnia SSSR.
U efiry Centralnaha telebačańnia jon pravodziŭ masavyja sieansy psichaterapii i hipnozu, zajaŭlajučy pra mahčymaść uździejničać na stan hledačoŭ praz ekran. Jaho vystupy źbirali šmatmiljonnuju aŭdytoryju i stali adnym z najbolš prykmietnych fienomienaŭ poźniaha savieckaha telebačańnia.
Hipnoz viadomy z dapiśmovych časoŭ, ale dziejnaść niekatorych savieckich hipnatyzioraŭ zastajecca zahadkaj
U Rasii znoŭ aktyvizavaŭsia padzabyty Anatol Kašpiroŭski
Volf Miesinh i nie tolki: jakija astrołahi i vieščuny dziejničali ŭ Hrodnie 100 hadoŭ tamu
Anatol Kašpiroŭski terminova špitalizavany ŭ Maskvie. Jon ličyć, što ŭžo ničoha nie dapamoža
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary
Pra siabie, nie raskryvajučy detali: niekalki razoŭ u žyćci ja zaŭvažaŭ, što mianie časam "mahi" mahli zdvinuć z pantałyku. Chacia ja vieryŭ i vieru, što maja pamierłaja babulka Leakadzija pakul što mianie bieraže.
Jana taksama była padobna Anatolu K - lačyła ludziej, i ja ŭ jaje žyćci prasiŭ navučyć mianie jaje mahii i jana adkazvała typu zaŭtra. A potym jechała ŭ kaścioł u Krasnaje pad Minskam i na padchodzie ŭ kaścioł jaje źbiŭ aŭtobus, jaki vioŭ vučanik.
Dyj nie Kašpiroŭskim była mamia babulka, bo jana mnie kazała, što jość niejkija 12 viedaŭ, a jana vałodaje tolki pałovaj. Ale ja pakul što dryhajusia, dziakujučy jaje katalickim malitvam, + habreja dochtara prafiesara ź Ńju Jorka.
Knihu chaču ab ich napisać, kali paśpieju.