11 červienia ŭ Francyi adbyŭsia pieršy tur parłamienckich vybaraŭ. Jon prynios upeŭnienuju pieramohu novaj libieralnaj partyi La République En Marche! (REM), jakaja išła na vybary ŭ kaalicyi z centrystami z MoDem. REM była stvoranaja pad vybarčuju kampaniju Emaniuela Makrona. Jaho pieramoha vyvieła partyju ŭ lidary honki.
Za REM prahałasavali kala 32% vybarcaŭ.
Pravacentrysckija respublikancy nabrali kala 21%.
Na trecim miescy idzie Nacyjanalny front Maryny Lo Pen, ale jon nabraŭ tolki 13%. Heta mienš, čym na minułych parłamienckich vybarach, i hety vynik nie daje jamu šancaŭ na farmiravańnie ŭłasnaj parłamienckaj hrupy, ale niekalki deputataŭ Nacfront praviadzie.
Levaja «Niaskoranaja Francyja» i kamunisty razam zdabyli padtrymku prykładna 14% vybarcaŭ.
Vybary akazalisia pravalnymi dla sacyjalistaŭ. Razam sa svaimi sajuźnikami, Zialonymi, jany atrymali tolki 12% hałasoŭ. Partyja, što daminavała na francuzskaj palityčnaj scenie z 1940-ch, pieražyvaje ciažki kryzis paśla niaŭdałaha prezidenctva Fransua Alanda.
Francyja — prezidenckaja respublika, ale pieramoha na parłamienckich vybarach palehčyć Makronu praviadzieńnie reformaŭ u ekanamičnaj śfiery.
U vypadku kali Makron budzie papularnym prezidentam, palityčny śpiektr Francyi źmienicca. Niekalki dziesiacihodździaŭ za ŭładu zmahalisia pravacentrysty i levacentrysty, halisty i sacyjalisty. Ciapier značnuju rolu mohuć adyhryvać libierały.
Z hledzišča biełaruskich intaresaŭ, niebiaśpieku ŭjaŭlajuć krajnie pravyja i krajnie levyja, Nacyjanalny front i «Niaskoranaja Francyja», bo jany vystupajuć za sastupki pucinskaj Rasii i asłableńnie Jeŭrasajuza, što moža ŭskładnić situacyju narodaŭ u prastory miž ES i Rasijaj.
Kančatkovy raskład sił u parłamiencie stanie jasny pa vynikach druhoha tura, jaki projdzie 18 červienia. Ale ź vialikaj dolaj imaviernaści partyja Makrona zdabudzie kala 400 miescaŭ u 577-miascovym Nacyjanalnym schodzie Francyi. Respublikancy atrymajuć u rajonie sta, sacyjalisty i «Niaskoranaja Francyja» — pa niekalki dziasiatkaŭ.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary