Biełaruskaja kinastudyja zdymie poŭnamietražny remiejk «Pryhodaŭ kata Leapolda»
Prajekt stvarajecca ŭ farmacie hulniavoha kino: bolšaść piersanažaŭ vykanajuć akciory, a dziejańnie historyi budzie pieraniesiena ŭ sučasnaść.
Biełaruskaja studyja «Kinacech», jakaja źniała tryłohiju «Nie adna doma» i kamiedyju «Draniki», razam z Welcome Media pačała pracu nad poŭnamietražnym filmam «Leapold». U asnovu karciny lahuć apaviadańni Anatola Reźnikava — piśmieńnika i režysiora znakamitaha cykła savieckich multfilmaŭ pra kata Leapolda, piša Blizko.by.
Prajekt stvarajecca ŭ farmacie hulniavoha kino: bolšaść piersanažaŭ vykanajuć akciory, a dziejańnie historyi budzie pieraniesiena ŭ sučasnaść. Imiony ŭdzielnikaŭ akciorskaha składu pakul nie raskryvajucca.
Pavodle słoŭ stvaralnikaŭ, hledačoŭ čakaje maštabnaja kinahistoryja z ekšenam, trukami, humaram i firmovym aptymizmam kata Leapolda.
Zdymki pačnucca vosieńniu 2026 hoda. Režysioram prajekta vystupić Uładzisłaŭ Bohuš, jaki źniaŭ filmy «Na viosku da dziaduli» i «Moj tata — miadźviedź 2».
— Na historyjach pra kata Leapolda vyrasła niekalki pakaleńniaŭ hledačoŭ. My chočam zachavać usio, za što jaho lubiać — dabryniu, mudraść i znakamitaje «Rabiaty, davajcie žyć družna!», — i pry hetym raskazać novuju vialikuju i vidoviščnuju historyju dla sučasnaj siamiejnaj aŭdytoryi, — adznačyŭ pradziusar Andrej Lipaŭ.
— My rychtujem film pra siabroŭstva i ŭmieńnie znachodzić ahulnuju movu navat u samych składanych situacyjach. Hetyja kaštoŭnaści pa-za časam i zrazumiełyja lubomu pakaleńniu, što robić kata Leapolda sapraŭdy ŭniviersalnym kinahierojem, — ličyć pradziusar Maksim Maksimaŭ.
Ciapier čytajuć
Rasijskaja błohierka-miljońnica, jakaja zhańbiłasia ź biełaruskaj movaj, zapisała videa z tłumačeńniami — ale tak i nie vybačyłasia33
Kamientary