Ekstradavany ź Biełarusi błohier Łapšyn raskazaŭ, jak jaho sprabavali zabić u turmie ŭ Azierbajdžanie

Błohier Alaksandr Łapšyn, vyzvaleny z azierbajdžanskaj turmy, apublikavaŭ padrabiaznaści apošnich dzion svajho znachodžańnia tam.

Pavialičyć

«Ciapier, kali azierbajdžanskaje piekła zastałosia zzadu i ja pišu hetyja radki ź plažu Chof Karmiel u Chajfie, abaviazany vyśvietlić nastupnaje, — adznačaje jon. —

1. Kateharyčna admaŭlaju azierbajdžanskuju aficyjnuju chłuśniu nakont byccam by majoj sproby samahubstva ŭ bakinskaj turmie 10.09.17. Prezident Alijeŭ pa viersii azier-ŚMI prajaviŭ humanizm i, paškadavaŭšy niebaraku-samahubcu, vyrašyŭ jaho pamiłavać praź dzień paśla mifičnaj sproby samahubstva.

2. Pa fakcie, nočču z 10 na 11 vieraśnia 2017 kali ja ŭžo zasynaŭ u svajoj kamiery №10 bakinskaj turmy, raptam u dźviarach pačułasia rypieńnie kluča i dźviery pryadčynilisia. Ja lažaŭ śpinoj da dźviarej i nie paśpieŭ navat ustać, jak niejkija fihury ŭžo schapili mianie za šyju, ruki, i zatym byli niekalki udaraŭ kułakami ŭ bok. Bolš ja nie pamiataju ničoha. Nastupnyja ŭspaminy ŭžo z reanimacyi centralnaj bakinskaj kliniki, dzie ja lažaŭ padłučany da pryboraŭ, z katetaram na pryčynnym miescy i kisłarodnaj maskaj na tvary. Jašče złamali dva zuby i ŭsia śpina i bok u hiematomach.

3. Miarkuju, što zabojcaŭ albo spudzili, albo ich meta była ŭ bolšaj stupieni skiravanaja na dyskredytacyju ŭłady Alijeva ŭ Azierbajdžanie. Maja śmierć u bakinskaj turmie była b na ruku cełamu šerahu asob z najbližejšaha atačeńnia prezidenta Alijeva, jakija pa-za usialakich sumnievaŭ ličać, što jamu para na supakoj. Padkreślu, što heta maja viersija, chaj i zasnavanaja na padobnych dumkach šerahu zamiežnych azierbajdžancaŭ-žurnalistaŭ i demakratyčnaj apazicyi, vymušanaj žyć udalečyni ad radzimy».

Pavodle słovaŭ Łapšyna, izrailskija lekary, jakija jaho abśledavali, pakazali, što charaktar šerahu jaho traŭmaŭ nahadvaje chutčej fizičny hvałt, a nie sprobu samahubstva. Lekary źviarnuli ŭvahu na hłyboki śled ad zdušeńnia sprava na šyi bližej da plača — ale pry padviešvańni hety śled zvyčajna ŭ rajonie vucha. «Dy i naohuł, ź jakoj nahody mnie «samazabivacca» na dzień naradžeńnia majoj mamy dy jašče i na zaklučnym etapie pieramovaŭ ab ekstradycyi dadomu», — piša Łapšyn.

Rasijska-izrailski błohier Alaksandr Łapšyn byŭ zatrymany ŭ śniežni ŭ Minsku pa zapycie Azierbajdžana za naviedvańnie Nahornaha Karabacha i ekstradavany ŭ Baku. Tam jaho asudzili na try hady turmy. Paźniej kiraŭnik Azierbajdžana Ilcham Alijeŭ pamiłavaŭ jaho.

• 0
• 0
• 0
• 0
• 0
• 0
• 0
• 0