18 kastryčnika, Halereja tut.by (pr. Dziaržynskaha, 57, 9 pavierch). 19.00. Uvachod volny.
18 kastryčnika ŭ Halerei tut.by adbudziecca prezientacyja knihi «Sekskualnaja revalucyja ŭ Savieckaj Biełarusi. 1917-1929» Alaksandra Hužałoŭskaha.
Heta pieršaje daśledavańnie radykalnych źmien u siamiejna-šlubnych adnosinach i seksualnym žyćci biełarusaŭ paśla prychodu balšavikoŭ da ŭłady. I pakul adzinaje.
«Sacyjalistam treba było razłamać instytut siamji i na jaho miescy pabudavać niešta inšaje», — tłumačyć hałoŭny tahačasny pasył prafiesar Hužałoŭski.
Praŭda, balšaviki ŭ teoryi nie chacieli razbeščvać narod. Ale ŭsio pajšło pa-inšamu.
«A hałoŭnym tearetykam novych stasunkaŭ pamiž žančynaj i mužčynam była Alaksandra Kałantaj. Jana ŭžyvaje takija terminy, jak «eratyčnaje siabroŭstva», «paśladoŭnaja źmiena partnioraŭ», — adznačaje prafiesar Hužałoŭski. Miž inšym, «hramadzianski šlub», jakim karystajemsia da siońnia, — taksama vynachodnictva taho času.
Jak u čas «seksualnaj raźniavolenaści» spraŭlali viasielle? Chto ź viadomych dziejačaŭ padtrymaŭ novyja pavievy? Jak balšaviki lehalizavali prastytucyju?
Na hetyja pytańni i adkaža Alaksandr Hužałoŭski padčas prezientacyi «Seksualnaj revalucyi ŭ Savieckaj Biełarusi». Aŭtar taksama paznajomić z materyjałami, jakija ŭ knihu nie ŭvajšli. Adbudziecca prahlad uryŭkaŭ ź pieršaha biełaruskaha filma «Prastytutka» (1926 hod).
Alaksandr Hužałoŭski — prafiesar, doktar histaryčnych navuk. Vykładaje na histaryčnym fakultecie BDU.
Aŭtar šerahu daśledavańniaŭ, siarod ich — «Čyrvony ałovak: narysy pa historyi cenzury ŭ BSSR: 1919—1941», «Muziei Biełarusi».
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary