Eks-ministra kultury Markieviča zvolnili z chlebnaha miesca. Tudy ŭskočyŭ inšy źbity lotčyk
Pradstaŭnictva Pastajannaha kamiteta Sajuznaj dziaržavy ŭ Minsku — praca mary dla adstaŭnych čynoŭnikaŭ.
U pradstaŭnictvie Pastajannaha kamiteta Sajuznaj dziaržavy (SD) u Minsku źmianiŭsia kiraŭnik. 55‑hadovy piedahoh pa adukacyi Anatol Markievič, jaki ŭ 2020‑2024 pracavaŭ ministram kultury, pakinuŭ chlebnuju pasadu.
Na jaho miesca pastavili 52‑hadovaha Siarhieja Nalivajku — toj byŭ ministram pa padatkach i zborach (2014-2024).
A Markieviča pakinuli ŭ struktury pradstaŭnictva, ale na nižejšaj pazicyi.
Za prava zaleźci pierad piensijaj na pracu ŭ sajuznuju strukturu zmahajucca mnohija adstaŭnyja čynoŭniki. Zarpłaty tut iduć pa rasijskich staŭkach, našmat vyšejšych za biełaruskuju. Heta dazvalaje za paru hadoŭ zarabić prystojnyja hrošy pry absalutnaj adsutnaści realnaj pracy. Sajuznaja dziaržava i tak fantom, ale kali niejkija rašeńni tam i prymajucca, to ŭ Maskvie.
Zrešty, hetaksama čynoŭniki ŭ krainach Jeŭrasajuza zmahajucca za prava trapić u Jeŭraparłamient, što taksama dazvalaje atrymać u razy bolšy zarobak, a paśla i pretendavać na vysokuju piensiju.
Markievič pratrymaŭsia na pasadzie ŭsiaho hod. A voś jaho papiarednica Maryjana Ščotkina ŭznačalvała pradstaŭnictva SD ažno šeść hadoŭ — z 2019 da 2025.
Budučy ministram kultury, Markievič zajaŭlaŭ, što «zdradnikam nie miesca na scenie», a biełaruskaja kultura paśla 2020‑ha ačyściłasia ad «destruktyŭnych elemientaŭ». Pry im pastrožyli praviły vydačy hastrolnych paśviedčańniaŭ i viarnuli čornyja śpisy artystaŭ. Pry im ža kančatkova razhramili Kupałaŭski i nie źniali nivodnaha zapaminalnaha filma.
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»10
Kamientary