Televiadučaja STB — pra hvałt: «Ja adčuła, što ŭjaŭnaja piatla na šyi ŭsio ściahvajecca»
Novy vypusk tok-šou «Što adbyvajecca» byŭ pryśviečany prablemie chatniaha hvałtu. Viadoŭca STB Natalla Nadolskaja padzialiłasia svaim dośviedam. Hetaja historyja zdaryłasia ź joj dziesiać hadoŭ tamu, z byłym mužam. Ciapier u viadučaj novaja siamja i troje dziaciej.
— Što było «punktam niezvarotu»? Kali vy zrazumieli, što treba biehčy i nie aziracca?
— Napeŭna, kali ja zrazumieła, što ŭ mianie nie zastałosia siabrovak, kali ja zrazumieła, što vychodzić z domu, pa niejkaj nie vielmi važkaj pryčynie, nie varta. Kali mianie za ruku adviali ŭ centr telefonnaj suviazi i paprasili razdrukoŭku maich telefonnych zvankoŭ.
Heta značyć, kali ja zrazumieła, što voś, skažam tak, hetaja ŭjaŭnaja piatla na šyi ŭsio ściahvajecca i ściahvajecca. I ja pačynaju hublać siabie, svoj unutrany stryžań, svaje navyki. Tamu što ja — čałaviek tavaryski, u mianie praca takaja.
— A praŭda, što samaje składanaje — u tym, što heta adbyvajecca pastupova? Niama punktu niejkaha nadłomu?
— Tak. Mnie časta zadavali pytańnie: «A navošta ty zamuž vychodziła? Kudy ty hladzieła? Što, ty ž nie bačyła?» Žančyny vielmi časta brutalnaść mužčynskuju, siłu, uładu, jakuju jany chočuć bačyć u mužčynie, usprymajuć heta jak stanoŭčy faktar. Ja — taksama nie vyklučeńnie.
Heta značyć, mnie taksama chaciełasia, kab pobač byŭ mocny mužčyna, uładny, valavy.
— Jon abiacaŭ potym pamianiacca, kali vy skazali, što bolš nie budziecie razam?
— Tak. Heta jašče adzin chitryk manipulataraŭ. Bo jany potym prosiać prabačeńnia. I navat paśla fizičnaha hvałtu. U mianie jość znajomaja, siabroŭka, jakuju muž sistematyčna, na praciahu 10—15 hadoŭ, źbivaje. I, kali ja joj kažu, što «tabie treba sychodzić ad jaho», — jana adkazvaje: «Jon prosić prabačeńnia. Jon doryć kvietki, jon doryć padarunki. Jon pryznaje svaju vinu. Nu, jak nie daravać?»
Ciapier čytajuć
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy10
Kamientary