Inkluzija svaimi rukami: jak biełaruskija ramiostvy dapamahajuć dzieciam z aŭtyzmam
U Minsku ŭpieršyniu prajšoŭ majstar-kłas pa biełaruskich ramiostvach dla dziaciej z aŭtyzmam.
Biaspłatnyja zaniatki arhanizavaŭ Centr dziciačaha raźvićcia «Bebi-Kłab» pry padtrymcy kampanii velcom dla vychavancaŭ Siamiejnaha inkluziŭ-teatra «i». Majstar-kłas abjadnaŭ jak zvyčajnych, tak i asablivych dziaciej va ŭzroście ad 3 da 6 hadoŭ, — paviedamlajuć arhanizatary.
«U Biełarusi nie chapaje placovak dla raźvićcia asablivych dziaciej, — kanstatuje mastacki kiraŭnik teatra Iryna Puškarova. — My pracujem ź dziećmi z aŭtyzmam i bačym, što mnohija dziaržaŭnyja, pryvatnyja centry, hurtki i studyi nie hatovyja pracavać z asablivymi dziećmi. Jość 2 asnoŭnyja pryčyny. Pieršaja — niedachop kvalifikavanych śpiecyjalistaŭ, druhaja — adsutnaść srodkaŭ u baćkoŭ, jakija addajuć hrošy na apłatu cjutaraŭ i fizijaterapieŭtyčnych pracedur dla dziaciej».
Padčas majstar-kłasa pa biełaruskich ramiostvach śpiecyjalisty Centra dziciačaha raźvićcia «Bebi-Kłab» zrabili ź dziećmi zaradku, raspaviali na biełaruskaj movie pra tradycyjnyja ramiostvy i praviali zaniatak pa lepcy z ekahliny. U padarunak dzieci zabrali z saboj simpatyčnych ptušak ŭłasnaha vyrabu.
«70% našych piedahohaŭ majuć kvalifikacyju, jakaja dazvalaje pracavać z asablivymi dziećmi. Heta piedahohi-psichołahi, łahapiedy i inšyja śpiecyjalisty, — tłumačyć dyrektar sietki dziciačych centraŭ raźvićcia «Bebi-Kłab» Viktoryja Kopieleva. — Mnie, jak maładoj mamie, suhučnaja ideja stvareńnia inkluziŭnaha hramadstva. Ja chaču, kab našy dzieci z rańniaha ŭzrostu vučylisia žyć u realnym śviecie i siabravać z roznymi ludźmi».
Asablivaść teatra — u stvareńni ŭnikalnaha inkluziŭnaha asiarodździa, dzie zvyčajnyja talenavityja dzieci z rańniaha ŭzrostu vučacca narmalna ŭsprymać asablivych, a dzieci z aŭtyzmam, u svaju čarhu, pieraadolvajuć składanaści raźvićcia i raźvivajuć navyki kamunikacyi. Padrychtoŭka adbyvajecca ŭ dva etapy. Spačatku dzieci na indyvidualnych zaniatkach (vakał, chareahrafija, akciorskaje majsterstva) avałodvajuć nieabchodnymi navykami, a zatym prystupajuć da repietycyj u trupie i ŭdziełu u śpiektaklach.
«Adna z prablem asablivych dziaciej — parušeńnie kaardynacyi ruchaŭ. Tamu my padtrymali hety majstar-kłas, jaki, z adnaho boku, dapamahaje palepšyć matoryku, a z druhoha — dałučaje dzicia da biełaruskaj movy i kultury z samaha rańniaha ŭzrostu. My spadziajomsia, što naš prykład pryciahnie ŭvahu hramadstva i natchnić mnohich dapamahać asablivym dzieciam», — adznačaje načalnik adździeła kamunikacyj kampanii velcom Viačasłaŭ Śmirnoŭ.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Kamientary