Były vice-premjer z urada Rumasa čaćviorty hod nie moža pradać katedž u Drazdach. Ale canu padnimaje
Ekskluziŭny katedž u anhlijskim styli visić na sajtach nieruchomaści nie pieršy hod. Ale ž padobna, bankir i były pieršy namieśnik kiraŭnika ŭrada nie stračvaje aptymizmu.
Abviestka ab prodažy asabniaka Vasila Maciušeŭskaha — staršyni praŭleńnia Banka BiełVEB dy byłoha vice-premjera — źjaviłasia na pačatku 2023 hoda. Na fotazdymkach u abviestcy možna było pabačyć navat upryhožanuju jalinku dy inšuju śviatočnuju atrybutyku.
Čamu Maciušeŭski vyrašyŭ raźvitacca z elitnaj nieruchomaściu? Tady ŭ bankaŭskim asiarodździ chadziła niekalki viersij.
Pa-pieršaje, u 2022 hodzie jon staŭ fihurantam «spravy BiełVEBa». Aryštoŭvali i samoha Maciušeŭskaha, i jaho top-mieniedžaraŭ. U niejki momant jon pačaŭ chadzić na dopyty jak na pracu.
Ni dla kaho nie sakret, što ŭ łukašenkaŭskaj Biełarusi praktykujucca vypłaty «naniesienaj škody» ŭ dziesiacirazovym pamiery, kab spynić kryminalny pieraśled.
Krynicy «Našaj Nivy» tady adznačali, što niepryjemnyja pryhody sapraŭdy mocna «vycisnuli» bankira ŭ finansavym płanie. Na vykup svaich supracoŭnikaŭ Maciušeŭskamu pryjšłosia brać vialikija hrošy ŭ Ihara Šuvałava — staršyni rasijskaha Źniešekanombanka.
Pa-druhoje, bankiry raspaviadali, što Maciušeŭski razychodziŭsia z žonkaj — to treba było i joj niešta nabyć, i samomu pierajechać dalej ad Kałaŭra praz asabisty kanflikt (a dom byłoha staršyni Nacbanka znachodzicca zusim pobač).
Ciapier bankir pavysiŭ canu na svaju elitnuju nieruchomaść. Kali ŭ 2023 hodzie Maciušeŭski prasiŭ $1,2 miljona, dyk ciapier padniaŭ płanku da $1,8 miljona.
Znachodzicca katedž u mikrarajonie Lebiadziny. Ahulnaja płošča asabniaka ŭ anhlijskim styli amal 290 kvadrataŭ, ź ich žyłaja — 111 kvadrataŭ.
Maciušeŭski maje reputacyju pižona — i dom u jaho, jak kažuć, z pretenzijaj. Ścipłaściu tut i nie pachnie: vitražy i navat miescami pazałota. Fota havorać sami za siabie.
Interjer užo krychu sastareły maralna, zatoje ŭ im možna ŭbačyć ekskluziŭnuju meblu ŭ kłasičnym styli.
Jość niekalki spalniaŭ i vannych pakojaŭ, kabiniet z kaminam dy ŭłasnaja saŭna.
Płošča ŭčastku 11 sotak. Viadoma ž, pra łandšaftny dyzajn taksama nie zabylisia.
Krakadziłavyja kresły i pracy viadomaha skulptara. Cikavostki interjeraŭ bankira Maciušeŭskaha
Maciušeŭski chodzić na dopyty jak na rabotu, a Kałaŭr čakaje, jak vyrašycca jahony los — što tam sa spravaj BiełVEBa?
Maciušeŭski raźvitaŭsia ź BiełVEBam paśla historyi z aryštam i vykupam. Ale kryminalnaja sprava nie zakrytaja
Krynicy: Paśla hihanckaha vykupu na volu vyjšli top-mieniedžary banka BiełVEB
Zatrymana kiraŭnictva banka BiełVEB, u tym liku Vasil Maciušeŭski
Aryštu Maciušeŭskaha papiaredničaŭ jaho kanflikt z Kałaŭram, i pahony za heta ŭčapilisia. Padrabiaznaści
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary