Vializny słup dymu padymajecca adtul. Jon bačny i na kadrach za śpinami tych, chto pryjechaŭ na Pieciarburhski ekanamičny forum. Siły bieśpiłotnych apieracyj Ukrainy apublikavali videa: udar byŭ naniesieny pa karviecie «Bojki», jaki tam ramantavaŭsia.
U Kranštacie atakavany Kranštacki marski zavod, jaki absłuhoŭvaje karabli i padvodnyja łodki VMF RF, paćviardžaje rasijskaje vydańnie Astra.
Dym padymajecca nad dokami Kranštackaha marskoha zavoda ŭ horadzie-porcie Kranštat (administracyjna ŭvachodzić u skład Sankt-Pieciarburha).
Raniej hubiernatar Pieciarburha Alaksandr Biahłoŭ zajaviŭ pra paciarpiełych u vyniku ataki ŭkrainskich bieśpiłotnikaŭ na abjekty infrastruktury ŭ Kranštacie, Kiraŭskim i Čyrvanasielskim rajonach, ale nie ŭdakładniŭ kankretnyja nazvy.
Paźniej prezident Ukrainy Uładzimir Zialenski zajaviŭ, što Siły abarony krainy parazili «vajennyja celi na Kranštackaj bazie».
Kranštacki marski zavod — najbujniejšaje sudaramontnaje pradpryjemstva Paŭnočna-Zachodniaha rehijona Rasii. Z krasavika 2016 hoda zavod uvachodzić u strukturu akcyjaniernaha tavarystva «Abjadnanaja sudabudaŭničaja karparacyja».
Na terytoryi Kranštackaha marskoha zavoda znachodziacca 4 suchija doki. Štohod zavod absłuhoŭvaje dziasiatki karabloŭ i sudoŭ zabieśpiačeńnia Bałtyjskaha i inšych fłatoŭ, a taksama padvodnyja łodki.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary
[Zredahavana]