U Biełarusi aryštavali machlarku, jakaja ašukała rasijskich błohieraŭ-miljońnikaŭ na sotni tysiač dalaraŭ
Rasijanka Chatuna Atašan, jakaja raźviała papularnych błohieraŭ na vielizarnuju sumu, sprabavała ŭciačy praź Biełaruś, ale jaje zatrymali i viarnuli ŭ Rasiju.
Jak pišuć rasijskija pabliki, Atašan znachodziła viadomych influensieraŭ i pradstaŭlałasia VIP-partnioram najbujniejšych suśvietnych haściničnych sietak. Jana prapanoŭvała kazačnyja ŭmovy: adpačynak na Maldyvach i ŭ topavych piacizorkavych hatelach pa bartary ŭ abmien na rekłamu ŭ sacsietkach. Błohieram treba było tolki dapłacić za pieraloty svaich blizkich, pryčym košty byli ŭ razy nižejšyja za rynkavyja.
Paśla pieravodu hrošaj Atašan źnikała, a za dzień da vyletu paviedamlała, što pajezdka skasoŭvajecca.
Kali ašukanyja błohiery pačali masava źviartacca ŭ palicyju, dziaŭčyna pasprabavała ŭciačy praź Biełaruś. Padrabiaznaści nieviadomyja, paviedamlajecca tolki, što jaje pieradali rasijskamu boku.
Ahulnaja suma škody ad dziejańniaŭ machinatarki aceńvajecca bolš čym na 50 miljonaŭ rasijskich rubloŭ, abo kala 700 tysiač dalaraŭ.
Kamientary
Rasiejski zabojca chavaŭsia ŭ Biełarusi i pamior.
Treba adharadzicca ad starejšaha brata irvom z krakadziłami!!!