Na čempijanat śvietu pa futbole jeduć try byłyja hulcy pieršynstva Biełarusi
Što abaronca «Mančester Sici», uźbiek Abdukadyr Chusanaŭ, jaki ŭ svoj čas hulaŭ za minski «Enierhietyk-BDU», heta viadoma daŭno. A chto jašče, piša «Trybuna».
Heta paŭabaronca zbornaj Uźbiekistana Šerzod Esanaŭ, jaki pryjechaŭ u Biełaruś z Rasii, dzie vystupaŭ za «Akron», u vieraśni 2025 hoda.
Jon staŭ vystupać za bresckaje «Dynama». Ale zhulaŭ za kłub tolki dzieviać hulniaŭ, za jakija Esanaŭ addaŭ dźvie halavyja pieradačy. U studzieni 2026 hoda jon viarnuŭsia va Uźbiekistan i hulaje za «Bucharu». U čempijanacie hetaha hoda Esanaŭ vielmi vynikovy: u 10 matčach adznačyŭsia 5 hałami, kamanda dzielić 3— 4‑iu pazicyi z «Navbachoram». 4 hały paŭabaronca zabiŭ u apošnich čatyroch turach.
U sistemie zbornych Uźbiekistana Esanaŭ vystupaje z 2022 hoda. Druhi matč za kamandu U-19 byŭ suprać biełarusaŭ — paŭabaronca adznačyŭsia dublem u tavaryskim matčy, a jaho kamanda pieramahła ŭ Minsku 4:3.
U nacyjanalnaj zbornaj voś tolki debiutavaŭ — 2 červienia ŭ hulni sa zbornaj Kanady (0:2). Hałoŭny trenier uźbiekistancaŭ — Fabia Kanavara vypuściŭ jaho na piać chvilin u kancoŭcy. Hetaha akazałasia dastatkova, kab trapić u rostar na darosły čempijanat śvietu.
Uźbiekistan zhulaje na čempijanacie śvietu ŭ adnoj hrupie z Partuhalijaj, Kałumbijaj i DR Konha.
Taksama jedzie na čempijanat śvietu Pryns Kvabiena Adu z Hany, jaki ŭ lutym 2023 hoda pierajšoŭ u «Isłač». Za 14 matčaŭ pieršaha koła zabiŭ šeść miačoŭ i addaŭ try pieradačy i pajechaŭ va Ukrainu.
U zbornaj Hany Adu debiutavaŭ 14 listapada 2025 hoda ŭ tavaryskim matčy ź japoncami (0:2). Ad toj pary prapuściŭ tolki adnu sustreču nacyjanalnaj kamandy. Partuhalski trenier Karłuš Kiejruš, zdajecca, raźličvaje na eks-futbalista «Isłačy» jak na asnoŭnaha vykanaŭcu.
Hana ŭ adnoj hrupie z Anhlijaj, Charvatyjaj i Panamaj.
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary