Nastupnyja vychodnyja — 6—7 červienia — možna budzie pabyvać na ekskursii pa palach pivoniaŭ.
Arhanizujuć jaje ŭ haspadarcy, jakaja stała viadomaj dziakujučy hiektaram ciulpanaŭ, — «Znachodka Paleśsia» pablizu ahraharadka Tyškovičy. Farmat — probny: turysty zmohuć pabyvać tut upieršyniu, piša Onliner.by.
Jak raskazaŭ žurnalistam dyrektar haspadarki Raman Špak, masavaha dostupu na pole, jak u vypadku ź ciulpanami, nie budzie. Siudy trapiać tolki ŭdzielniki niekalkich arhanizavanych turaŭ.
Spačatku jon byŭ suprać hetaj idei. Usio źviazana z technałohijaj vyroščvańnia pivoniaŭ. Pivoni vysadžvajuć niepasredna dziela kvietak. I zrazajuć ich nie raskrytymi, a ŭ vyhladzie šarykaŭ.
Usiaho pivoniami zasadžana 3 hiektary.
Tak pali vyhladali ŭ minułym hodzie:
Pionovyje pola v našiem choziajstvie
«U niejkaj stupieni heta bolš nahadvaje pramysłovy turyzm. Viedajecie, jak pryjazdžajuć na małočny kambinat hladzieć na vytvorčaść syrkoŭ. My taksama budziem raskazvać pra technałohiju, paliŭ, pakazvać, jak usio ŭładkavana.
Ale budzie i jašče adna asablivaść: možna budzie sabrać bukiet prosta na poli. 5 pivoniaŭ dla kožnaha ŭklučany ŭ košt».
Siońnia možna palubavacca čyrvonymi pivoniami, karałavyja ŭžo adćvili. Na padychodzie — ružovyja i biełyja, jość šancy, što jany raśćvituć da vychodnych.
Raman raskazvaje, što pobač z haspadarkaj jość pustujučyja 7 hiektaraŭ i płanujuć zrabić tam sad. Kali ŭsio atrymajecca, tam abaviazkova vysadziać i pivoni. Ale palubavacca imi možna budzie ŭžo ŭ nastupnych siezonach.
Što tyčycca budučaj ekskursii, jaje arhanizuje turapieratar Amazing day. Vyjezdy zapłanavany ź Minska i z Hrodna. Jość varyjanty kambitury z naviedvańniem Kosava, Motala i Hrušaŭki, što ŭ Lachavickim rajonie, na vybar. Košt takoj pajezdki — 200 rubloŭ. Naviedvańnie tolki paloŭ pivoniaŭ — 170 rubloŭ.
U apisańni da publikacyi arhanizatary navat adznačyli, što «post vyklikaŭ vialiki ažyjataž, i Instagram znoŭ vynies nam papiaredžańnie: ałharytm ličyć, što ŭsie vašy kamientary pa zapycie prahramy — ataka botaŭ». Darečy, za 18 hadzin pad im pakinuli kala 600 kamientaroŭ.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary