Telehram zabłakavaŭ kanał pratestoŭcaŭ u Iranie na patrabavańnie ŭładaŭ krainy
«U kanale Telehrama (amadnews) źjavilisia instrukcyi pa vykarystańni kaktejlaŭ Mołatava suprać palicyi, i my jaho zabłakavali zhodna z našym praviłam «nijakich zaklikaŭ da hvałtu». Aściarožna — jość linii, jakija nichto nie pavinien pierachodzić», — napisaŭ u siabie ŭ Tvitary stvaralnik mesendžara Telehram Pavieł Duraŭ.
A Telegram channel (amadnews) started to instruct their subscribers to use Molotov cocktails against police and got suspended due to our "no calls for violence" rule. Be careful – there are lines one shouldn't cross. Similar case from October – https://t.co/OWQFBLywjr
U Iranie Telehram — samy papularny mesendžar. Ličycca, što im karystajecca da pałovy nasielnictva.
Mienavita Telehram byŭ vykarystany, kab sklikać ludziej na demanstracyi pratestu. Pieršaja adbyłasia ŭ Miešchiedzie 28 śniežnia. Infarmacyja pra jaje imhnienna raspaŭsiudziłasia pa ŭsioj krainie, i 29 i 30 śniežnia manifiestacyi spałachnuli ŭžo ŭ troch dziasiatkach haradoŭ.
Paśla hetaha ministr telekamunikacyj Irana źvinavaciŭ Telehram u «padbuchtorvańni pratestaŭ».
Jak śviedčać raźmieščanyja ŭ Jutubie videa, vystupy byli burnyja. Ludzi skandavali «Śmierć dyktataru», mieŭsia na ŭvazie ajatała Chamieniei. A taksama «Muły, preč z krainy».
Na razhon manifiestantaŭ byli adpraŭlenyja siły tak zvanych Vartaŭnikoŭ isłamskaj revalucyi i družyńnikaŭ-basidžaŭ. U horadzie Darud dva manifiestanty zahinuli.
U Tehieranie pakul prajšli tolki małalikija akcyi, z udziełam pieravažna studentaŭ.
Niepasrednaj nahodaj dla pratestaŭ staŭ rost cenaŭ na bazavyja pradukty charčavańnia. Adnak na vulicach amal adrazu zahučali palityčnyja łozunhi. Demanstranty patrabujuć adstaŭki prezidenta Raŭchani i źmieny sistemy.
Iran — zakrytaja kraina, isłamskaja teakratyja. U Iranie adzinaja ŭ svaim kštałcie palityčnaja sistema: adbyvajucca kankurentnyja vybary, abirajuć parłamient i prezidenta, ale kančatkovaje słova pry hetym zastajecca za šyickim duchavienstvam.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary