Ministerstva adukacyi śćviardžaje, što nie vyklučała «Pachnie čabor» z prahramy. Heta praŭda?
«Naša Niva» atrymała adkaz z pres-słužby Ministerstva adukacyi na adkryty list nastaŭnicy ruskaj movy i litaratury sa Smalavič Hanny Sieviaryniec, u jakim jana akreśliła niedachopy školnaj prahramy pa biełaruskaj litaratury.
Hanna Sieviaryniec, siarod inšaha, raskrytykavała vyklučeńnie vierša «Pachnie čabor». Ale Ministerstva adukacyi hety fakt admaŭlaje: «Darečy, paviedamlajem pavažanaj Hańnie Sieviaryniec, što jaje infarmacyja nie dakładnaja, hety vierš Pietrusia Broŭki sa školnaj prahramy nie vyklučaŭsia».
My prahledzieli sioletnija prahramy pa biełaruskaj litaratury dla 10—11 kłasaŭ jak dla vyvučeńnia pradmieta na bazavym uzroŭni, tak i dla vyvučeńnia na pavyšanym. Ni tam, ni tam «Pachnie čabor» nie ŭzhadvajecca.
Na bazavym uzroŭni školniki vyvučajuć vieršy Broŭki «Budziem siejać, biełarusy!», «Nadzia-Nadziejka», «Rodnyja słovy», «Aleksandryna» i «A ty idzi».
Na pavyšanym — toje samaje, ale ŭklučany taksama vierš «Voś i leta syšło…» i paema «Hołas serca».
To bok u prahramie «Pachnie čabor» sapraŭdy niama, choć nastaŭniki śćviardžajuć: raniej vierš dakładna vyvučali.
Inšaja sprava, što i ŭ školnaj prahramie za 2012 hod hetaha vierša niama. I ŭ prahramie za 2009 hod jaho taksama niama. Śpis dla vyvučeńnia byŭ takim ža, jak i ciapier.
Jak nam paviedamili nastaŭniki, u instruktyŭna-mietadyčnym liście pa sioletnich źmienach u prahramach 10 kłasa havorycca tolki pra toje, što nie budzie razhladacca vierš Maksima Tanka «Ave Maryja» i apaviadańnie Maksima Hareckaha «Rodnyja kareńni», jano pieraniesiena ŭ śpis dla dadatkovaha čytańnia.
Tym nie mienš, pytańni da Ministerstva adukacyi zastajucca: kali «Pachnie čabor» źnik z prahramy, čamu było pryniata rašeńnie vyklučyć jaho i čamu vierš znoŭ nie zrabić abaviazkovym dla vyvučeńnia?
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary