Amierykanskija chimiki stvaryli z hrafienu ŭnikalnuju farbu dla vałasoŭ
Chimiki znajšli hrafienu novaje prymianieńnie: ź jaho možna rabić nietaksičny farbavalnik. Pra svajo vynachodnictva navukoŭcy z ZŠA i Kitaja raspaviali na staronkach časopisa Chem.
Piermanientnyja farbavalniki ŭtrymlivajuć arhaničnyja rastvaralniki i inšyja taksičnyja malekuły, jakija parušajuć strukturu vołasa, robiać jaho suchim i pazbaŭlenyja žyćcia.
«Našyja vałasy pakrytyja łuskavinkami kucikuły, nakštałt rybinaj łuski, i ludziam davodzicca vykarystoŭvać amijak abo arhaničnyja aminy, kab zrušyć łuskavinki i dazvolić farbie patrapić pad ich chutčej, — tłumačyć aŭtar artykuła Cziasin Chuan z Paŭnočna-Zachodniaha ŭniviersiteta, što ŭ Čykaha. — Ale heta robić vałasy łomkimi, a pieraksid vadarodu, jaki zapuskaje reakcyju farbavalnika ŭnutry vołasa, tolki paharšaje situacyju».
Novy farbavalnik z aksidu hrafienu vyrašaje hetuju prablemu. Jon lohka afarboŭvaje śvietłyja vałasy ŭ roznyja adcieńni ciomnych koleraŭ i pry hetym nie parušaje ich strukturu. Takaja farba biez prablem vytrymlivaje 30 vykarystańniaŭ šampunia (heta parohavaje značeńnie, jakoje dazvalaje farbavalniku ličycca piermanientnym, to bok pastajannym), i nie źmiaščaje škodnych rečyvaŭ.
Nanosić hetuju farbu dla vałasoŭ možna z dapamohaj spreju i rasčoski. Paśla vysychańnia jana stojka achinaje vałasy.
Akramia taho, akazałasia, što ciepła- i elektrapravodnaść hrafienu abaraniaje vałasy ad statyčnaj elektryčnaści i nie daje im raźlatacca, a taksama zaścierahaje ad uździejańnia pierapadaŭ tempieratury i bakteryj.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny16
Kamientary