IBM stvaryła samy maleńki ŭ śviecie kampjutar pamieram z drabinku soli
Na kanfierencyi IBM Think 2018 kampanija prezientavała, pa jaje słovach, samy maleńki ŭ śviecie kampjutar. Maleniečki čyp pamieram z hranułu soli maje vyličalnuju mahutnaść čypa x86 1990 hoda (chacia na siońniašni dzień heta vielmi niašmat), pieradaje partał Mashable.
Pa słovach pradstaŭnikoŭ kampanii, u vytvorčaści kampjutar budzie kaštavać mienš za dziesiać centaŭ i budzie składacca z «niekalkich socień tysiač tranzistaraŭ», što dazvolić jamu «kantralavać, analizavać i navat apracoŭvać dadzienyja».
Kampjutar pracuje na błokčejnie. U pryvatnaści, jon moža stać krynicaj dadzienych dla błokaŭ dadatkaŭ, dazvalajučy, naprykład, adsočvać adhruzku tavaraŭ i vyjaŭlać niastačy i inšyja prablemy. Jon taksama moža vykonvać bazavyja zadačy štučnaha intelektu, takija jak sartavańnie dadzienych.
IBM zajaŭlaje, što na praciahu nastupnych piaci hadoŭ padobnyja kampjutary buduć vykarystoŭvaca ŭsimi samymi zvyčajnymi pradmietami i pryładami. Zrešty, IBM nie paviedamlaje, kali jaje «mini-kampjutar» adpravicca ŭ vytvorčaść — inžyniery kampanii pakul testujuć pieršy pratatyp.
Kamientary