500 udzielnikaŭ sabralisia ŭ Minsku na «Minski dyjałoh» — kanfierencyju, jakaja sabrała ŭ biełaruskaj stalicy dypłamataŭ i analitykaŭ z Zachadu i Rasii, a taksama šmatlikich biełaruskich čynoŭnikaŭ. Kanfierencyja prachodzić u hateli Marriott, a ŭ čaćvier pierad udzielnikami vystupić Alaksandr Łukašenka.
«Minskim dyjałoham» apiakujucca biełaruskija ŭłady, ale farmalnym arhanizataram vystupaje niedziaržaŭnaja ekśpiertnaja inicyjatyva, jakuju ŭznačalvaje Jaŭhien Prejhierman. Jana vyrasła z analityčnaha asiarodku «Libieralnaha kłuba». U padrychtoŭcy «Minskaha dyjałohu» braŭ udzieł i Dzianis Mieljancoŭ, u minułym — analityk BISS.
Voś schiemy rassadki haściej forumu ŭ zale padčas vystupu Alaksandra Łukašenki.
U pieršym šerahu haściej buduć siadzieć byłyja ministry zamiežnych spraŭ Biełarusi ad Piatra Kraŭčanki da Siarhieja Martynava.
A voś top-čynoŭnikam addali druhi šerah. Tam razam Natallaj Kačanavaj i Uładzimiram Makiejem haściej, a pieradusim kiraŭnika dziaržavy buduć słuchać taksama staršynia Kamiteta dziaržaŭnaj biaśpieki Valer Vakulčyk i ministr abarony Andrej Raŭkoŭ.
Deputataŭ Nacyjanalnaha schodu pasadzili pieravažna ŭ treci šerah. Siarod ich i Alena Anisim dy Hanna Kanapackaja, dva lusterki apošniaj libieralizacyi.
U inšym siektary ŭ pieršym šerahu rassadžvajuć haściej z zamiežnych fondaŭ i analityčnych centraŭ, jakija spryčynilisia da arhanizacyi forumu. Siarod ich Volfhanh Zender z Fondu Adenaŭera i Cimur Anuka ź Jeŭrapiejskaha fondu ŭ padtrymku demakratyi.
Ahułam ža miescy ŭ zale raźmierkavanyja tak:
Pres-sakratarka prezidenta Natalla Ejsmant i supracoŭnica słužby pratakoła Darja Šmanaj, a taksama pamočnik pa ahulnych pytańniach Mikałaj Łatyšonak siadziać na dalokim šerahu.
Kamientary