Siabry krajaznaŭčaj supołki «Pošuki staroha Homiela» stvaryli animacyjny film pra tysiačahadovuju historyju Homiela. U multfilmie adlustravanyja najbolš važnyja i cikavyja momanty historyi Homiela, zhadvajucca znakavyja asoby, u tym liku tyja, chto dahetul u haradskoj śviadomaści zastajecca niedaacenienym ci ŭvohule zabytym.
«Dla tych, chto daŭno cikavicca historyjaj Homiela, hetym multfilmam my nie adkryjem novych amieryk. Adnak dla bolšaści hamialčan, nie kažučy ŭžo pra žycharoŭ inšych miaścin Biełarusi, mnohija padabranyja fakty stanuć adkryćciom. Kali Rumiancaŭskaja epocha, chacia b na ŭzroŭni stereatypaŭ, našymi ziemlakami zasvojena, to časy, jakija papiaredničali joj, časta ŭjaŭlajucca ciomnymi, hetkaj achutanaj zmrokam terra incognita. My budziem tolki ŭściešany tym, što zdolejem pryŭźniać dla ich zasłonu času, zacikaviŭšy historyjaj rodnaha horada roznych pieryjadaŭ», — adznačyŭ adzin sa scenarystaŭ filma, viadomy homielski piśmieńnik-postmadernist Siarhiej Bałachonaŭ.
«Spadziajemsia, što z našaj pracy vyjdzie dobry plon, i kali-niebudź zvykłaj dla Homiela źjavaj stanie nie tolki suvienirny mahnicik z partretam apošniaha homielskaha starasty, ale i pomnik vyzvalicielu Homiela vialikamu kniaziu Alhierdu na adnoj z centralnych vulic. Budźma realistami, budźma maryć pra niemahčymaje!» — adznačaje režysior i aŭtar filma Maryja Bułavinskaja.
Praca nad filmam zaniała bolš za paŭhoda. Siarod aŭtaraŭ — architektar i krajaznaŭca Siarhiej Lapin, mastak — Filip Kakoša, scenaryst-kansultant — historyk Jury Pankoŭ. Tekst da multfilma ahučyŭ viadomy ŭsim biełarusam «dyletant» — Jury Žyhamont.
-
Kreŭski zamak raskryŭ hałoŭnuju tajamnicu: znajšli ŭvachod u ciamnicu, dzie zadušyli Kiejstuta
-
Ledzianyja mumii i pieravał vikinhaŭ. Jak z-pad lodu źjaŭlajucca tajamnicy, jakija źmianiajuć ujaŭleńni pra śviet
-
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary