Minčanka Nastaśsia ź idealnym atestatam i 100 bałami pa CT: «Doma ŭ nas hučyć tolki biełaruskaja mova»
«Naša Niva» praciahvaje havaryć sa školnikami, jakija nabrali 100 bałaŭ na CT pa biełaruskaj movie.
Hetym razam my pahutaryli z Nastaśsiaj Krasnovaj — vypusknicaj 15-j minskaj himnazii, absalutnaj vydatnicaj ź siarednim bałam atestata 10!
Dziaŭčyna kaža, što vyrašyła zdavać biełaruskuju movu, bo ŭ jaje siamji havorać pa-biełarusku.
«Maje baćki pracujuć na «Biełaruśfilmie», doma hučyć tolki biełaruskaja mova. A taksama ja apošnija 4 hady ŭdzielničała ŭ alimpijadach pa movie», — kaža jana.
«Z baćkami ja havaru pa-biełarusku, naturalna. Ale ŭ paŭsiadzionnaści ja havaru zbolšaha pa-rusku. Ale časta źbivajusia i pačynaju ščabiatać pa-našamu. Jość žadańnie, kaniečnie, całkam pierajści na biełaruskuju movu. Ale ja błytajusia, kali sa mnoj havorać na inšaj movie, pahladzim», — dadaje Nastaśsia.
Pastupać dziaŭčyna budzie ŭ BDUIR, choča być prahramistam, zdavała jašče matematyku i fiziku — pa druhim pradmiecie navat udzielničała ŭ alimpijadach (ale vyniki pakul nieviadomyja — NN.)
Matyvacyja takaja, što «z dypłomam jurysta-ekanamista raboty nie znojdzieš», a z techničnaj adukacyjaj padabrać niešta lahčej.
Nu i vabiać vysokija prahramierskija zarobki, viadoma.
Taksama Nasta ličyć, što stan biełaruskaj movy ŭ ciapierašnim hramadstvie niespraviadlivy.
«Ciapier adnosiny mianiajucca: navat u maim asiarodku ravieśniki, sprabujuć razmaŭlać pa-biełarusku. Pry hetym sprabujuć sami, biez prymusu: heta modna, heta cikava. U krainie niešta źmienicca, ja ŭpeŭniena. Byvaje, štości raskazvaješ doŭha pa-biełarusku znajomym, a paśla jany sami pačynajuć refleksavać pa-biełarusku», — raskazvaje dziaŭčyna.
«I papularnaj robicca simvolika biełaruskaja. Tyja ž vyšyvanki, vieršy, vopratka, tatu z arnamientam… Pa-pieršaje, heta pryhoža. Ale šmat čaho pryhožaha jość, tut karani nie tolki ŭ hetym. Da hetych markieraŭ hod dźvieście nichto nie źviartaŭsia, a tut zrazumieli, što heta kłasna. Naŭrad ci budzie niejki adkat», — miarkuje dziaŭčyna.
Jak čałaviek, što ŭžo skončyŭ škołu, Nasta razvažaje pra chiby vykładańnia nacyjabudaŭničych pradmietaŭ — movy i litaratury.
«Biełaruskuju movu ŭ škole vykładajuć niecikava, — adrezała dziaŭčyna. — Prymušali vyvučać praviły, ale nie źviartalisia pry hetym da moŭnych prykładaŭ, prykładaŭ kamunikacyi. Słovam, adna teoryi i nijakaj praktyki. Tak movu nie vyvučyć. Čałavieku prosta niezrazumieła, što tyja hruvastkija praviły rehłamientujuć, kali ŭ paŭsiadzionnaści bolšaść adnakłaśnikaŭ nie havorać na movie. A litaratura biełaruskaja nam padabałasia, asabliva ŭ paraŭnańni z ruskaj — vielmi niezvyčajnyja temy padymalisia, było cikava čytać».
Ciapier čytajuć
Čamu Cichanoŭskaja nie pajechała na pachavańnie Papy?4
Kamientary