Anatol Sivak pryznačany staršynioj Minharvykankama. Raniej jon byŭ ministram transpartu i kamunikacyj.
Ad pasady vyzvaleny Andrej Šorac.
Alaksandr Łukašenka zajaviŭ, što Sivaku treba apieratyŭna ŭvajści ŭ kurs spravy, razabracca z kadravymi pytańniami. «Kali nie ŭ horadzie, to ŭ samym harvykankamie. Praz try tydni padrychtujcie majo naviedvańnie aktyvu horada ŭ harvykankamie — deputaty, kiraŭnictva — usie tyja, chto vyznačaje tvar horada, žyćcio ŭ stalicy Biełarusi. Mnie treba surjozna pahavaryć z aparatam, z vykankamam. U mianie vielmi šmat pretenzij i vielmi šmat pytańniaŭ nie tolki da byłoha kiraŭnictvu na čale z Šorcam, ale i da samich členaŭ vykankama — rabotnikaŭ aparata».
Łukašenka zajaviŭ, što razhladałasia bolš za dziasiatak kandydatur na pasadu novaha kiraŭnika horada. «I heta nie siońnia vyrašajecca pytańnie, jano ŭžo daŭno paŭstała», — adznačyŭ jon.
Pa słovach Łukašenki, pieravaha Sivaka — toje, što jon pracavaŭ pamočnikam pa Minsku: «Pavinien skazać — byŭ efiektyŭnym pamočnikam, inśpiektaram pa kadrach z usich tych, jakija pracavali paśla i da jaho. Heta, napeŭna, asnoŭny matyŭ i faktar. I što jašče impanuje asabista mnie — heta vysokaja adkaznaść za daručanuju spravu. Tamu ja vielmi spadziajusia, što voś hetaje pačućcio vysokaj adkaznaści za daručanuju spravu, vykanaŭčaść, čaho nam vielmi nie chapaje na ŭsich uzroŭniach, nikudy nie źniknuć, i Minsk nabudzie dobraha haspadara».
Što tyčycca Andreja Šorca, jamu znojduć novuju pasadu. «Dadać tak, jak heta treba, jon nie moža. Ja heta adčuvaju. Tamu mnoj pryniata rašeńnie ab pieravodzie jaho na inšuju pracu», — rastłumačyŭ kiraŭnik dziaržavy.
***
Anatol Sivak.
Naradziŭsia 19 lipienia 1962 hoda ŭ vioscy Zavajć Naraŭlanskaha rajona.
Skončyŭ Biełaruski instytut inžynieraŭ čyhunačnaha transpartu (1986), Akademiju kiravańnia (1998).
U 1986-2002 hadach pracavaŭ na roznych pasadach u Darbudmantažtrest Biełaruskaj čyhunki. U 2002-2006 hadach byŭ namieśnikam načalnika Biełaruskaj čyhunki. U 2006-2009 hadach byŭ pamočnikam Łukašenki pa Minsku.
U 2009-2012 hadach — načalnik Biełaruskaj čyhunki. U 2012-2018 hadach — ministr transpartu i kamunikacyj.
U listapadzie 2018 hoda pryznačany staršynioj Minharvykankama.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary