«Dzieci daviedalisia ŭ pieršy ž tydzień, prosta ŭbačyli rekłamu». Jak madel viadzie ŭroki ŭ škole
Minčanka Varvara raskazała «Anłajnieru», jak adnačasova pracuje nastaŭnicaj anhlijskaj movy i madellu.
Varvara ŭžo nie pieršy hod vykładaje anhlijskuju. U siamji ŭsie byli daktarami, a jana prosta lubiła movy i potym vyrašyła spałučyć heta z vykładańniem.
Siabie ličyć davoli strohaj nastaŭnicaj. Kab supakoić kłas, jana prosta pilna hladzić na samaha šumnaha vučnia, i heta pracuje. Familjarnaść adrazu spyniaje, a kali stavić dvojki, to pieražyvaje za vučnia.
Frazy nakštałt «A hałavu ty doma nie zabyŭsia?» i «Vyjdzi i zajdzi narmalna» ŭ leksikonie maładoj nastaŭnicy taksama źjavilisia. Varvara łović siabie na tym, što sapraŭdy paŭtaraje ich za ŭłasnymi nastaŭnikami i ciapier nie bačyć u hetym prablemy — a jak skazać bolš jomista?
Kala troch hadoŭ tamu dziaŭčyna prajšła kastynh u Nacyjanalnuju škołu pryhažości i z 2024 hoda pracuje prafiesijnaj madellu, za hety čas naźbirałasia kala sotni zdymak.
Chavać madelnuju pracu ŭ škole Varvara nie stała. Vyrašyła, što ŭsio ŭ lubym vypadku chutka raskryvajecca.
«Dzieci daviedalisia ŭ pieršy ž tydzień, prosta ŭbačyli rekłamu anłajn. A svajmu dyrektaru ja taksama adrazu ahučyła, što ŭ mianie jość takoje chobi. Nijakich prablem nie było».
U Varvary jość svaje abmiežavańni: nijakich zanadta adkrytych zdymak i hrubych vyrazaŭ u rolikach, bo jana nie choča stracić lubimuju pracu ŭ škole.
Dziaŭčyna zdymaje dla sacsietak humarystyčnyja roliki pra školnyja budni i śmiajecca ŭ tym liku sa stereatypaŭ pra maładych nastaŭnic.
Varvara pryznajecca, što tajemnyja lubimčyki ŭ nastaŭnikaŭ jość, ale jana vyłučaje tych, chto starajecca. Sučasnyja dzieci, na jaje dumku, davoli piaščotnyja i patrabujuć bieražlivaha padychodu. A hałoŭnym bonusam pracy nastaŭnicy Varvara nazyvaje 56 dzion letniaha adpačynku i zacikaŭlenyja vočy dziaciej.
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»15
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4040
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie40
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary