Sioleta Aktoberfest u Hiermanii naviedali rekordnyja 7,4 miljona naviedvalnikaŭ
Ale litrovy kufal piva kaštavaŭ taksama rekordnyja 16 jeŭra.
U Miunchienie ŭ niadzielu zaviaršyŭsia 191‑y «Aktoberfest» — piŭny fiestyval, jaki ličycca najbujniejšym narodnym śviatam u śviecie. U 2026 hodzie jon paćvierdziŭ hetaje zvańnie, pabiŭšy rekord naviedvalnaści: z 19 vieraśnia na «Aktoberfeście» pabyvali 7,4 młn čałaviek, paviedamili arhanizatary ŭ niadzielu, piša DW.
Dla paraŭnańnia: u 2025 hodzie fiestyval na Łuzie Terezy ŭ Miunchienie naviedali 6,5 młn čałaviek. A rekordnym pa naviedvalnaści da hetaha ličyŭsia «Aktoberfest-2023» — tady naličyli 7,2 młn naviedvalnikaŭ.
Arhanizatary adznačajuć, što asabliva prykmietny rost kolkaści naviedvalnikaŭ u budnija dni — da +28,9%. Dla hetaha ŭłady Miunchiena praviali rekłamnuju kampaniju, jakaja zaklikała prychodzić na fiestyval z paniadziełka pa čaćvier, kab paźbiehnuć praźmiernaha skapleńnia ludziej u vychodnyja i zakryćcia ŭvachodu na fiestyval z-za pierapoŭnienaści, jak heta było ŭ 2025 hodzie.
Na «Aktoberfieście» stali pić bolš biezałkaholnaha piva
Za 16 dzion fiestyvalu ŭ Bavaryi vypili 6,7 młn litraŭ piva — na 2,7% bolš, čym u 2025 hodzie. Heta značeńnie nie stała rekordnym — u 2014 hodzie tam vypili 7,7 młn litrovych kuflaŭ chmielnaha napoju.
Zatoje ŭ 2026 hodzie na «Aktoberfeście» vyrasła spažyvańnie biezałkaholnaha piva i biezałkaholnych napojaŭ — na 10,7% i 10% adpaviedna. Dakładnyja ličby pa hetych pazicyjach arhanizatary nie pryvodziać.
Pavodle ich słoŭ, «vialikaj papularnaściu» na fiestyvali ŭ 2026 hodzie karystaŭsia radler — słabaałkaholny piŭny kaktejl ź piva i limanadu. Rost cikavaści naviedvalnikaŭ «Aktoberfiesta» da radlera arhanizatary adznačali i hodam raniej.
Ź ježy papularnym na fiestyvali staŭ smažany kurania. U cełym prodažy ježy pakazali taki ž hadavy rost, jak i prodažy piva, — 2,7%.
Pa košcie piva minuły «Aktobierfest» staŭ samym darahim u historyi: za litrovy kufal na fiestyvali prasili amal 16 jeŭra.
Jašče niekalki ličbaŭ: u biuro znachodak fiestyvalu pieradali kala 4000 rečaŭ, a z terytoryi «Aktoberfesta» sprabavali tajemna vynieści 105 000 piŭnych kuflaŭ.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe17
Kamientary