Terarystyčnaja arhanizacyja pačała kampaniju ŭ padtrymku piłota avijakampanii Flydubai, jaki z dapamohaj siakiery sprabavaŭ zachapić pasažyrski łajnier. U publikacyjach hučać pramyja zakliki da paŭtareńnia padobnych napadaŭ na amierykanskich i izrailskich hramadzian u pavietry.
Jak piša vydańnie New York Post, zaklik źjaviŭsia ŭ štotydniovym vydańni al-Bayan, jakoje padtrymlivaje «Al-Kaidu». U artykule na arabskaj movie pravodzicca pramaja paralel pamiž teraktami 11 vieraśnia 2001 hoda i niaŭdałaj sprobaj zhonu rejsa FZ1073 30 vieraśnia 2026 hoda. Aŭtary publikacyi vykarystali fatahrafii ataki na viežy-bliźniaty razam sa zdymkami niadaŭniaha incydentu.
«Vajna jašče nie skončanaja — samaloty ź sijanistami, amierykancami i ŭsimi inšymi niaviernymi, jakija vajujuć suprać isłamu, usio jašče łunajuć u niebie i mohuć stać mišeniami, jak heta adbyłosia 11 i 30 vieraśnia», — havorycca ŭ tekście. Dalej dadajecca, što «nadydzie dzień, kali impieryja zła Amieryka skončyć svajo isnavańnie».
29‑hadovy amanski druhi piłot Chamam al-Chamami byŭ aryštavany paśla taho, jak z dapamohaj siakiery napaŭ na kapitana i pasprabavaŭ uziać kiravańnie rejsam Dubaj — Tel-Aviŭ pad svoj kantrol. Ekipaž i pasažyry zdoleli abiasškodzić napadnika. Łajnier byŭ pieranakiravany ŭ Tabuk (Saudaŭskaja Aravija), dzie paśpiachova pryziamliŭsia dziakujučy dvum inšym piłotam Flydubai, jakija znachodzilisia na borcie.
Hienieralny prakuror AAE Chamad Saif Al-Šamsi aficyjna paćvierdziŭ, što śledstva kvalifikuje dziejańni zatrymanaha jak sprobu ździajśnieńnia terarystyčnaha akta.
Ekśpiert pa teraryźmie Evan Kołman adznačaje, što novyja detali pakazvajuć na suviaź al-Chamami mienavita z «Al-Kaidaj», a nie z «Isłamskaj dziaržavaj».
Praź dzieviać hadzin paśla zatrymańnia piłota, kali jon užo znachodziŭsia pad vartaj, na jaho staronkach u LinkedIn i Instagram źjaviłasia sieryja videarolikaŭ. Chto mienavita apublikavaŭ materyjały — nieviadoma, ale paźniej akaŭnty byli vydalenyja.
Videa ŭtrymlivali kadry z kabiny piłotaŭ z nabližeńniem izrailskich samalotaŭ, a taksama vyjavu zabitaha ŭ 2022 hodzie lidara «Al-Kaidy» Ajmana az-Zavachiry. Akramia taho, u publikacyjach prysutničała adsyłka da Chumama al-Bałavi — urača i ahienta iardanskaj raźviedki, jaki akazaŭsia prychilnikam «Al-Kaidy» i ździejśniŭ maštabny terakt-samapadryŭ suprać supracoŭnikaŭ CRU. Pa słovach Kołmana, al-Chamami taksama mieŭ prafiesijny bekhraŭnd u avijacyi, što robić paraŭnańnie z al-Bałavi asabliva pakazalnym.
Izrailski Channel 12 sa spasyłkaj na krynicy ŭ śledstvie paviedamiŭ, što al-Chamami byŭ radykalizavany mienavita ŭ miežach ideałohii «Al-Kaidy». Papiarednie paviedamlałasia, što jašče padčas pracy ŭ Oman Air u telefonie piłota znachodzili ekstremisckija materyjały, z-za čaho jaho paloty abmiažoŭvalisia. Upraŭleńnie transpartnaj biaśpieki ZŠA (TSA) zajaviła, što kaardynuje dziejańni z pravaachoŭnymi orhanami i mižnarodnymi partniorami, adnak pramych dokazaŭ taho, što al-Chamami dziejničaŭ naŭprost pa zahadzie terarystyčnaj hrupoŭki, pakul nie apublikavana. Śpiecsłužby AAE praciahvajuć vyśviatlać, ci mieŭ napadnik saŭdzielnikaŭ i źniešniaje kiraŭnictva.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary
Lavactva - heta nie prahres, heta kult śmierci. Kožny lavak, jak daryvajecca da ŭłady, pačynaje zahaniać narod u svoj deliryjum, i kali nie atrymlivajecca, źjaŭlajucca kancłahiery i masavyja mahiły.
Tamu isłamisty i sacyjalisty - naturalnyja chaŭruśniki, bo mrojać zabić usich, chto nie zambavany ich idejałohijaj.