Futbalisty «Baranavičaŭ» zhulali ŭ ružovaj formie. Ciapier jaje pradaduć na aŭkcyjonie
FK «Baranavičy» zhulaŭ u niezvyčajnaj ružovaj formie, a ciapier futbołki z aŭtohrafami hulcoŭ pradaduć na dabračynnym aŭkcyjonie. Tak futbalisty pryciahnuli ŭvahu da prafiłaktyki raku małočnaj załozy.
U ružovaj formie FK «Baranavičy» vyjšaŭ na tavaryski matč z moładzievaj zbornaj Biełarusi. Hulnia skončyłasia ŭničyju — 3:3.
Akcyju praviali ŭ miežach «Ružovaha kastryčnika». Ružovaja stužka i ružovy koler vykarystoŭvajucca va ŭsim śviecie jak simvały kampanij, pryśviečanych prafiłaktycy raku małočnaj załozy i padtrymcy ludziej z hetym zachvorvańniem.
Hałoŭny trenier «Baranavičaŭ» Raman Kirenkin zajaviŭ, što takija temy nieabchodna ŭzdymać u sporcie: «Jość takaja prymaŭka: kali ty zdarovy, u ciabie moža być tysiača žadańniaŭ, a kali chvory — tolki adno».
Pavodle treniera, kłub adrazu padtrymaŭ prapanovu pravieści dabračynnuju akcyju.
«Kožny čałaviek pavinien dapamahać inšym. Jak kłub my taksama idziom nasustrač takim inicyjatyvam. Kali my dapamožam chacia b adnamu čałavieku, a tym bolš dziesiaci, dla nas heta budzie vielmi važna i pryjemna. My robim heta nie dla taho, kab pakazać siabie, a prosta kab dapamahčy ludziam», — skazaŭ Kirenkin vydańniu «Točka».
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe19
Kamientary