Jemien abviaściŭ maštabnuju vajnu chusitam: 100‑tysiačnaja armija pry padtrymcy Saudaŭskaj Aravii pasprabuje viarnuć kantrol nad Čyrvonym moram
Rašeńnie pryniata paśla taho, jak hrupoŭka zachapiła stratehičnyja astravy i party ŭ Bab-el-Mandebskim pralivie, pastaviŭšy pad pramuju pahrozu saudaŭski naftavy ekspart i suśvietnaje sudnachodstva.
Mižnarodna pryznany ŭrad Jemiena aficyjna zajaviŭ pra vyčarpańnie mirnych srodkaŭ i pačatak poŭnamaštabnaha nastupleńnia na pazicyi paŭstancaŭ.
Kiraŭnik Prezidenckaha kirujučaha savieta Jemiena Rašad al-Alimi paviedamiŭ ab pierachodzie ad stadyi padrychtoŭki niepasredna da vajennych dziejańniaŭ. Meta kampanii — poŭnaje viartańnie terytoryj i adnaŭleńnie ŭradavaj ułady nad usioj krainaj. Jak piša vydańnie The Insider, usie dziaržaŭnyja, siłavyja i vajennyja struktury pieraviedzieny ŭ režym poŭnaj hatoŭnaści. Al-Alimi taksama paabiacaŭ amnistyju tym bajevikam-chusitam, jakija dobraachvotna składuć zbroju, i zaklikaŭ žycharoŭ akupavanych rajonaŭ supracoŭničać z uradavymi vojskami.
Z saudaŭskaj avijacyjaj i amierykanskaj raźviedkaj
Da ŭdziełu ŭ apieracyi płanujecca pryciahnuć bolš za 100 tysiač vajskoŭcaŭ jemienskich farmiravańniaŭ, jakija finansujucca Er-Ryjadam. Pavodle danych ahienctva Reuters, kamandavańnie razhladała dva scenaryi: łakalnuju apieracyju pa debłakadzie Bab-el-Mandebskaha praliva abo adnačasovaje maštabnaje nastupleńnie adrazu ŭ čatyroch pravincyjach: El-Bajda, Maryb, Taiz i El-Džauf.
Naziemnuju fazu buduć vieści vyklučna jemienskija siły, a Saudaŭskaja Aravija zabiaśpiečyć masiravanuju padtrymku z pavietra, vykarystoŭvajučy ŭ tym liku raniej nabytyja tureckija bieśpiłotniki.
Złučanyja Štaty Amieryki pieradajuć kaalicyi raźviedvalnyja dadzienyja i kaardynaty dla vybaru celaŭ. Pry hetym prezident ZŠA Donald Tramp adchiliŭ pramy zapyt spadčynnaha prynca Muchamieda bin Sałmana na niepasredny ŭdzieł amierykanskaj avijacyi va ŭdarach pa abjektach chusitaŭ. Dadatkovuju dapamohu kaalicyi ŭ vyhladzie vajennaha abstalavańnia i savietnikaŭ nakiravaŭ Pakistan.
Pahroza tranzitu nafty
Katalizataram novaj fazy vajny stała imklivaje prasoŭvańnie chusitaŭ da stratehičnych marskich arteryj. Na praciahu 10 i 11 vieraśnia paŭstancy ŭziali pad kantrol jak minimum čatyry klučavyja punkty: bujny port Mocha, astravy Chaniš i Pierym, a taksama prybiarežny horad Dchubab. Heta dazvoliła hrupoŭcy faktyčna zachapić jemienskaje ŭźbiarežža Čyrvonaha mora.
Dla Saudaŭskaj Aravii hety maršrut źjaŭlajecca krytyčna važnaj alternatyvaj dla ekspartu nafty ŭ abychod Armuzskaha praliva. Vychad chusitaŭ niepasredna da samaj vuzkaj častki Bab-el-Mandebskaha praliva daje im mahčymaść biespakarana atakavać handlovyja sudny nie tolki składanaj dalokabojnaj zbrojaj ci dronami, ale i zvyčajnymi artyleryjskimi sistemami małoj dalokaści prama ź bieraha.
Humanitarny kryzis na fonie mabilizacyi
Jurydyčnaja padrychtoŭka da nastupleńnia pačałasia jašče 29 vieraśnia, kali jemienski parłamient uchvaliŭ usieahulnuju mabilizacyju. Niahledziačy na razdroblenaść antychusickich sił unutry krainy, viartańnie Saudaŭskaj Aravii da maštabnych bajavych dziejańniaŭ aznačaje adnaŭleńnie poŭnamaštabnaj vajny paśla niekalkich hadoŭ adnosnaha pieramirja i zacišša.
Eskałacyja kanflikta ŭžo spravakavała novuju chvalu ŭnutranaj mihracyi i paharšeńnie sacyjalnaj situacyi. Pavodle acenak Suśvietnaj charčovaj prahramy AAN, tolki za apošnija tydni svaje damy byli vymušanyja pakinuć dziasiatki tysiač čałaviek. Na siońniašni dzień u rajonach, kantralavanych mižnarodna pryznanym uradam Jemiena, 74 % chatnich haspadarak adčuvajuć vostry niedachop charčavańnia.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Tam by Aden abkapvać dy ŭmacoŭvać.
A nie pra nastupy mroić.