Prezientacyja adbudziecca ŭ Nacyjanalnym histaryčnym muziei (Marksa, 12). Pačatak a 17.30.
Ad 17.30 da 19.00 vy zmožacie nabyć śviežy numar «Našaj historyi» pa canie ad vydaŭcoŭ i prydbać tolki što nadrukavany firmovy kalandar. Vy zmožacie zadać pytańni, prapanavać temy dla novych artykułaŭ. Aŭtaru najlepšaj prapanovy — kalandar u padarunak!
Na prezientacyi vystupiać hałoŭny redaktar Andrej Dyńko i aŭtary numaru.
Litaraturaznaŭca i piśmieńnica Hanna Sieviaryniec, aŭtarka artykuła pra toje, jak kachanka Majakoŭskaha Zosia Šamardzina stała pieršaj łedzi BSSR, raskaža pra Miensk 1920—ch: bahiemny, viasioły, surovy i žarsny.
Jakija chitryki dazvolili pryniać Statut VKŁ 1588 — tajamnicu adkryje kandydat histaryčnych navuk Uładzimir Padalinski.
Pra tradycyi biełaruskaha salutu i mahnackija fiejervierki ŭ honar cieščy raspaviadzie kandydat histaryčnych navuk, śpiecyjalist pa artyleryi Mikoła Vołkaŭ.
Pra Ryhora Dolnikava - hieroja Savieckaha Sajuza, jaki paśla pieršaj nie zakusvaŭ, haračaha chłopca z-pad Mahilova i pratatypa dla šołachaŭskaj «Sud́by čiełovieka» - raskaža Alaksiej Baciukoŭ.
Asablivuju atmaśfieru na prezientacyi stvoryć hurt «Rada» z aŭtentyčnymi histaryčnymi pieśniami biełarusaŭ.
* * *
«Naša historyja» — pieršy hlancavy časopis pra biełaruskuju i suśvietnuju historyju. Ahulny nakład pieršych čatyroch numaroŭ pieravysiŭ 30 000 asobnikaŭ. Časopis źmiaščaje papularnyja artykuły ad najlepšych navukoŭcaŭ, a taksama histaryčnyja komiksy, źviartaje ŭvahu na niečakanyja temy i novyja rakursy znajomych padziej, unikalnyja ilustracyi i novyja farmaty.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary