Jak stała viadoma «Našaj Nivie», straciŭ pasadu načalnik upraŭleńnia infarmacyi i hramadskich suviaziaŭ MUS Hieorhij Jaŭčar.
Jak patłumačyli «Našaj Nivie» krynicy, Jaŭčar źniaty za «ahułam niezadavalniajučuju rabotu», ale, maŭlaŭ, apošniaj kroplaj staŭ jahony kreatyŭ ź videa, na jakim padletak vybačaŭsia pierad skulpturaj haradavoha.
Čytajcie: Jak u Čačni: padletak, jaki daŭ poŭchu skulptury haradavoha, prosić prabačeńnia ŭ pomnika i milicyjantaŭ VIDEA
«Padletak realna isnavaŭ, ale ideja zrabić z hetaha śpiektakl pryjšła mienavita pres-sakrataru. Hetaje videa i nastupnyja reakcyi raźjušyli ministra Šunieviča», — skazali krynicy.
Sam Jaŭčar u razmovie z «Našaj Nivaj» skazaŭ, što ciapier znachodzicca ŭ adpačynku, paśla vychadu ź jakoha budzie zrazumieła, ci praciahnie jon słužbu ŭ MUS.
Ciapier jahonyja abaviazki vykonvaje Viktar Novikaŭ.
Načalnikam infarmacyjnaha ŭpraŭleńnia Hieorhij Jaŭčar adpracavaŭ trochi bolš za paŭhoda.
Nieŭzabavie paśla apublikavańnia hetaj infarmacyi Jaŭčar paviedamiŭ u svaim fejsbuku, što «syšoŭ pa vysłuzie hadoŭ» i «pryniaŭ rašeńnie sam».
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks17
Kamientary