Krainy, jakija vinavaciać Turcyju ŭ hienacydzie i ihnaravańni demakratyi, sami stajać za ŭsimi viadomymi faktami masavych zabojstvaŭ i katavańniaŭ, ličyć turecki prezident Redžep Taip Erdahan. Jaho słovy pryvodzić u tvitary ahienctva Anadolu.
«Nivodnaja kraina, jakaja vystupaje z pravakacyjnymi zajavami ab tak zvanym hienacydzie armian, nie imkniecca adstajać praŭdu», - zajaviŭ kiraŭnik dziaržavy.
Jon zakranuŭ temu hienacydu ŭ Ruandzie ŭ 1994 hodzie, achviarami jakoha, pa roznych padlikach, stali ad 500 tysiač da miljona čałaviek. «Suśvietnaja supolnaść vydatna viedaje ab tym, što za hienacydam u Ruandzie stajać francuzy (…). I siońnia toj ža Paryž sprabuje vučyć Turcyju historyi», — zaŭvažyŭ Erdahan.
Francyja aficyjna pryznała hienacyd armianaŭ u 2001-m. Da hetaha, u 1915 hodzie, jana razam ź Vialikabrytanijaj i Rasijaj pieršaj asudziła dziejańni Asmanskaj impieryi na suśvietnym uzroŭni. U Francyi, pa dadzienych Vikipiedyi, pražyvajuć 600 tysiač armian.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy2
Kamientary