Marzaluk raskazaŭ, jakuju častku Kancepcyi ab infarmacyjnaj biaśpiecy pisaŭ jon i čamu nie choča ŭznačalić parłamienckuju apazicyju
U kułuarach zaklučnaj siesii Pałaty pradstaŭnikoŭ šostaha sklikańnia karespandent «Našaj Nivy» pierahavaryŭ ź niekatorymi deputatami.
Voś Ihar Marzaluk, naprykład, raskazaŭ nam ab svaich najbolšych dasiahnieńniach u čas parłamienckaj raboty.
«Napačatku raboty ja schadziŭ na schod prafiesury BDU, ludzi tam padniali pytańnie, kab daktaram navuki i prafiesaram, navat kali jany całkam sychodziać na piensiju, zachoŭvali nadbaŭku za stupień doktara navuk i za atestat prafiesara. Dziakujučy rektaru BDEU Šymavu, jaki zrabiŭ 90% raboty — pisaŭ abhruntavańni, pierakonvaŭ ministra finansaŭ, byŭ raspracavany Ukaz prezidenta, u jakim jość raździeł, što ź pieršaha studzienia 2020-ha dapłaty buduć atrymoŭvać usie daktary navuk i prafiesary, na 50% pavialičycca ŭ ich piensija, jany heta zasłužyli. I ja kazaŭ, što kab abaranialisia dysiertacyi ŭ krainie, treba płacić narmalnyja stypiendyi. Heta pačuta, ciapier stypiendyja daktaranta budzie za 900 rubloŭ, a aśpiranta kala 550, voś hetym ja hanarusia — tam niedzie 5% jość, hetym ja hanarusia», — skazaŭ Marzaluk.
«Taksama ja spryčyniŭsia da Kancepcyi infarmacyjnaj biaśpieki — raździeł 4 pra tradycyjnyja kaštoŭnaści, pra biełaruskuju movu, pra histaryčnuju palityku — heta rabiŭ ja. Ja hetym hanarusia».
My taksama spytalisia ŭ Marzaluka, ci spraviadliva, što ŭ novym parłamiencie niama apazicyjanieraŭ?
«Heta i niespraviadliva i spraviadliva — ich tut niama, bo jany nie chacieli tut być. Ja bačyŭ pa svajoj akruzie, jak ludzi pracavali — navat ulotki nie viešali. Nu treba ž było niejak zmahacca za pracoŭnaje miesca. A chto vinavaty ŭ niaŭdačach Kanapackaj i Anisim? A vy voś spytajcie ich, navat mietadam vyłučeńnia ad partyi ich nie zachacieli vyłučyć. Ale ci jość u nas uvohule sistemnaja apazicyja, jakoj vierać i za jakoj iduć?», — zadaŭsia pytańniem Marzaluk, na što my ŭdakładnili, ci nie chacieŭ by jon zakryć hety prabieł i ŭznačalić parłamienckuju apazicyju.
«Mianie zadavalniaje toje miesca, jakoje ja zajmaju», — skazaŭ jon.
Ciapier čytajuć
Staŭ viadomy sens kryminalnaj «spravy strachaŭščykoŭ»11
Kamientary