Грамадства

Марзалюк расказаў, якую частку Канцэпцыі аб інфармацыйнай бяспецы пісаў ён і чаму не хоча ўзначаліць парламенцкую апазіцыю

У кулуарах заключнай сесіі Палаты прадстаўнікоў шостага склікання карэспандэнт «Нашай Нівы» перагаварыў з некаторымі дэпутатамі. 

Вось Ігар Марзалюк, напрыклад, расказаў нам аб сваіх найбольшых дасягненнях у час парламенцкай работы. 

«Напачатку работы я схадзіў на сход прафесуры БДУ, людзі там паднялі пытанне, каб дактарам навукі і прафесарам, нават калі яны цалкам сыходзяць на пенсію, захоўвалі надбаўку за ступень доктара навук і за атэстат прафесара. Дзякуючы рэктару БДЭУ Шымаву, які зрабіў 90% работы — пісаў абгрунтаванні, пераконваў міністра фінансаў, быў распрацаваны Указ прэзідэнта, у якім ёсць раздзел, што з першага студзеня 2020-га даплаты будуць атрымоўваць усе дактары навук і прафесары, на 50% павялічыцца ў іх пенсія, яны гэта заслужылі. І я казаў, што каб абараняліся дысертацыі ў краіне, трэба плаціць нармальныя стыпендыі. Гэта пачута, цяпер стыпендыя дактаранта будзе за 900 рублёў, а аспіранта каля 550, вось гэтым я ганаруся — там недзе 5% ёсць, гэтым я ганаруся», — сказаў Марзалюк. 

«Таксама я спрычыніўся да Канцэпцыі інфармацыйнай бяспекі — раздзел 4 пра традыцыйныя каштоўнасці, пра беларускую мову, пра гістарычную палітыку — гэта рабіў я. Я гэтым ганаруся». 

Мы таксама спыталіся ў Марзалюка, ці справядліва, што ў новым парламенце няма апазіцыянераў?

«Гэта і несправядліва і справядліва — іх тут няма, бо яны не хацелі тут быць. Я бачыў па сваёй акрузе, як людзі працавалі — нават улёткі не вешалі. Ну трэба ж было неяк змагацца за працоўнае месца. А хто вінаваты ў няўдачах Канапацкай і Анісім? А вы вось спытайце іх, нават метадам вылучэння ад партыі іх не захацелі вылучыць. Але ці ёсць у нас увогуле сістэмная апазіцыя, якой вераць і за якой ідуць?», — задаўся пытаннем Марзалюк, на што мы ўдакладнілі, ці не хацеў бы ён закрыць гэты прабел і ўзначаліць парламенцкую апазіцыю. 

«Мяне задавальняе тое месца, якое я займаю», — сказаў ён.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча4

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

Mark Formelle аб'явіў пра маштабны рэбрэндынг8

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча4

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць