Z 21 lutaha ŭ Muziei knihi Nacyjanalnaj biblijateki pracuje vystava, pryśviečanaja biełaruskaj łacincy

Z 21 lutaha 2020 h. u Muziei knihi Nacyjanalnaj biblijateki Biełarusi budzie pracavać vystava, pryśviečanaja admietnaj tradycyi ŭ našaj kultury — biełaruskaj łacincy.

Biełaruskaja mova — vialikaja mova! Na joj stvorany litaraturnyja šedeŭry, bahataja navukovaja spadčyna, napisany šmatlikija tvory, jakimi mahła b hanarycca lubaja kultura. Unikalnaj admietnaściu ajčynnaj moŭnaj praktyki źjaŭlajecca isnavańnie na praciahu mnohich stahodździaŭ biełaruskaha piśmienstva ŭ roznych hrafičnych sistemach: pa-biełarusku pisali i kirylicaj, i łacinkaj, a tatary zdoleli adaptavać dla biełaruskaha piśma jašče i arabski ałfavit. Łacinka i kirylica — dźvie hrafiki, dva abliččy našaj movy, simvały adviečnaj razdvojenaści isnavańnia pamiž Zachadam i Uschodam. I kali kirylica siońnia dobra znajomaja i šyroka ŭžyvalnaja, to łacinka zdajecca zahadkavaj i nieviadomaj.

Adkryć tajamnicy biełaruskaj łacinki i na ŭłasnyja vočy ŭpeŭnicca ŭ jaje isnavańni možna na vystavie «Biełaruskaja łacinka».

U ekspazicyi pradstaŭleny knižnyja pomniki, stvoranyja ŭ łacinskaj hraficy na biełaruskaj movie, pačynajučy ad XVII st. da sučasnaści. Heta jaskravy litaraturny tvor XVII st. «Pramova Mialeški» na starabiełaruskaj movie z unikalnaha rukapisnaha zbornika typu siamiejnych chronik «Silva rerum», składzienaha šlachcičam sa znakamitaha rodu Śliźniaŭ.

Simvał baraćby za volu i niezaležnaść 1863 h. — pieršaja nielehalnaja biełaruskaja hazieta «Mużyckaja prauda» Kastusia Kalinoŭskaha.

Znakavyja vydańni XIX st. biełaruskich piśmieńnikaŭ V. Dunina-Marcinkieviča, F. Bahuševiča i inš. A taksama admietnyja zborniki i pieryjodyka biełaruskaha Adradžeńnia pačatku XX st.: knihi ź pieciarburhskich i vilenskich vydaviectvaŭ, dzie drukavalisia tvory Ja. Kupały, Ciotki, Ja. Kołasa i inš.; lehiendarnyja haziety «Naša dola» i «Naša niva» i inš.

Asobny raździeł vystavy raspaviadaje historyju raźvićcia łacinskaha ałfavita i pradstaŭlaje bukvary, čytanki i hramatyki biełaruskaj movy Karusia Kahanca, Rudolfa Abichta, Janki Stankieviča, Vacłava Łastoŭskaha, Branisłava Taraškieviča i inš.

Na siońniašni dzień u sučasnaj formie łacinka ŭžyvajecca piśmieńnikami, muzykami, vytvorcami ŭ azdableńni pradukcyi, karystalnikami internetu. Łacinkaj pradublavana napisańnie nazvaŭ stancyj na schiemach minskaha mietrapalitena, turystyčnyja vuličnyja karty, ukazalniki, šyldy z nazvami vulic na damach. Sučasnyja vydańni i prykłady vykarystańnia łacinki zojmuć pačesnaje miesca na vystavie.

Vystava budzie pracavać u Muziei knihi da 30 červienia 2020 h. štodzień, akramia paniadziełka i dziaržaŭnych śviat.

Data jaje zaviaršeńnia moža być źmieniena.

Čas raboty vystavy adpaviadaje režymu raboty Muzieja knihi.

Uvachod — pa čytackim bilecie abo bilecie sacyjakulturnaha centra.

Telefon dla daviedak i zakazu ekskursij: (8 017) 293 27 22.

• 1
• 0
• 0
• 0
• 0
• 0
• 0
• 0