U Minsku pakažuć «Apovieść pra Tryščana» — biełaruski śpiektakl XVI stahodździa
Nacyjanalny centr mastackaj tvorčaści dziaciej i moładzi (Kirava, 16) 30 i 31 sakavika, 2 i 4 krasavika. Sieansy: 11:00, 13:00, 15:00.
Hurt siaredniaviečnaj muzyki «Stary Olsa» prezientuje batleječny śpiektakl. Jon hruntujecca na «Apovieści pra Tryščana» — biełaruskim varyjancie lehiendy pra rycara Trystana i karalevu Izoldu.
«Apovieść pra Tryščana» — najbolš poŭny i ŭnikalny słavianski varyjant litaraturnaj apracoŭki słavutaj kielckaj lehiendy, pierakładzieny na biełaruskuju ŭ śvieckim asiarodździ ŭ druhoj pałovie XVI stahodździa ź sierbskaj krynicy. Jon vyłučajecca tvorčym padychodam da tekstu i bahaćciem biełaruskaj litaraturnaj movy taho času.
Batlejka — narodny lalečny teatr. Zaradžeńnie jaho ŭ Biełarusi adnosicca da kanca XVI — pieršaj pałovy XVII st. Arhanizatarami vidoviščaŭ spačatku byli manachi katalickich ordenaŭ, vučni kalehiumaŭ, ale chutka batlejku pieraniali miaščanie i sialanie, teatr staŭ narodnym.
Admietnaść batlejki, jakuju prezientuje «Stary Olsa», — žyvoje muzyčnaje supravadžeńnie ŭsiaho śpiektakla na staradaŭnich instrumientach.
U jakaści teatralnaj skryni vykarystana staraja šafa 1930-ch, azdoblenaja baročnymi elemientami.
Premjernyja pakazy adbuducca ŭ čas viasnovych školnych kanikuł. Śpiektakl raźličany na małodšych i starejšych školnikaŭ, ich baćkoŭ i ŭsich cikaŭnych da staradaŭniaj kultury.
Kvitki kaštujuć 12-15 rubloŭ, ich možna kupić anłajn.
Infalinija: (44) 551-77-06, (29) 851-77-06
Padzieja Ukantakcie.
Padzieja ŭ Facebook.
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary