Polus hora karanavirusa isnuje, i heta horad Bierhama ŭ Italii. 385 pamierłych za tydzień, i kraju hetamu kašmaru pakul nie vidać, choć ličba zaražeńniaŭ stała padać paśla ŭviadzieńnia žorstkich abmiežavańniaŭ na pierasoŭvańnie.
Niešta takoje pieražyvali našy prodki ŭ čas epidemij.
Horad pamieram jak Pinsk, raźmieščany za 40 kiłamietraŭ ad Miłana i za 30 km ad miažy Italii sa Šviejcaryjaj. Radzima Trufaldzina stała prykładam taho, jak doraha kaštuje zatrymka z uviadzieńniem karancinu.
Pravincyja Bierhama nie była ŭklučanaja ŭ tak zvanuju zona rossa, čyrvonuju zonu izalacyi paśla pieršaj uspyški epidemii ŭ Italii. U vyniku jon panios našmat bolšyja straty, čym pieršyja ahmiani.
Reanimacyi pierapoŭnienyja, balnicy zaprudžanyja, ciažka chvorych ź Bierhama transpartujuć u inšyja rehijony Italii, navat u Palerma.
Čytajcie taksama: Čamu ŭ Italii pracent śmiarotnaści taki vysoki?
Vajskoŭcy, alpijskija strałki razam ź siłami Hramadzianskaj abarony, razhortvajuć palavy špital u vystavačnym centry horada, piša miascovaja hazieta Eco di Bergamo. Jon zdolny budzie pryniać da 250 čałaviek i budzie zabiaśpiečvać režym subintensiŭnaj terapii. Ahułam u pravincyi Bierhama vyjaŭlena amal 4000 nośbitaŭ karanavirusa.
Pad špitali pieraabstaloŭvajuć taksama hateli Bierhama. Na hetyja mety žychary i siabry horada kraŭfandynham sabrali ŭžo 860 tysiač jeŭra. Darečy, biełarusy taksama mnohim abaviazanyja bierhamaskam — horad masava prymaŭ biełaruskich dziaciej Čarnobyla ŭ 1990-ja hady.
Usiaho ŭ Italii ad epidemii pamierli ŭžo kala 2500 čałaviek.
Čytajcie taksama: Biznesmien pryvioz karanavirus u Minsk. Praź jaho ŭ karancin trapili daktary «Łade», studenty BDU, vučni himnazii №20 i paračka tenisistaŭ
-
Śvietu pahražajuć šmatlikija admieny rejsaŭ: Airbus adklikaje šeść tysiač samalotaŭ dla terminovaha abnaŭleńnia prahramnaha zabieśpiačeńnia
-
Jak brech sabaki dapamoh vyratavać žyćcio jaje haspadaru, u jakoha adbyŭsia sardečny prystup
-
Z-za pretenzij Trampa na Hrenłandyju ŭ dackim uradzie źjaviŭsia asablivy načny vartaŭnik
Ciapier čytajuć
Pamiatajecie niemaładoha aktyvista, jaki pa duraści źniaŭsia ŭ prapahandysckim kino BT? U Polščy jon ulapaŭsia jašče i ŭ špijanaž7
Kamientary