24 sakavika ŭ śviecie ad Covid-19 pamier 2381 čałaviek. Apošnija tydni štodzionnaja ličba achviar padvojvajecca kožnyja 5 dzion
U Francyi pamierli 240 čałaviek za dzień, u Ispanii — 514, u Italii — 743.
Usiaho ŭ śviecie za 24 sakavika ad novaha virusa pamior 2381 čałaviek.
Heta pieršy dzień za pieryjad pandemii, kali dzionnaja ličba achviar pieravysiła dźvie tysiačy. Rubiež 1000 byŭ piarojdzieny 5 dzion tamu. Rubiež 500 — 10 dzion tamu.
19 sakavika było zarehistravana 1080 śmierciaŭ, vyklikanych nastupstvami Covid-19. 14 sakavika ich było 404.
Takim čynam, čałaviectva pakul znachodzicca ŭ takim momancie pandemii, kali štodzionnaja ličba achviar padvojvajecca kožnyja 5 dzion.
Nastupnyja tydni buduć vielmi napružanyja dla sistem achovy zdaroŭja i žyćciovaha zabieśpiačeńnia krain, jakija stali epicentrami zarazy. Jany buduć taksama tydniami vyprabavańnia dla krain Treciaha śvietu, kudy zaraza ŭžo pranikła.
U Biełarusi pakul viadoma tolki pra 81 zaražeńnie, naša kraina zastajecca na pieryfieryi pandemii. Tym nie mienš, Ministerstva achovy zdaroŭja zaklikała pažyłych ludziej i chranična chvorych zastavacca doma, astatnich — zachoŭvać dystancyju paŭtara mietra i normy hihijeny. Usich, chto viartajecca z-za miažy, prosiać vytrymać dva tydni ŭ samaizalacyi.
Čytajcie taksama: Tłumačym, čamu nastupnyja tydni ŭ śviecie praciahniecca rost śmierciaŭ ad karanavirusa
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary