Dziaržaŭnaje TB: Biełaruś — nie isteryčnaja panienka-padletak, što schavała tvar pad maskaj
Ahladalnik telekanała STV źviazaŭ karanavirus z bakteryjałahičnaj zbrojaj ZŠA.
Ryhor Azaronak na dziaržaŭnym telekanale STV zajaviŭ, što «taniec karanabiesija» i «chvala infarmacyjnaj pandemii» za niekalki tydniaŭ pastavili kryž na «tak zvanaj hłabalizacyi», jakaja išła tryccać hadoŭ z času raspadu SSSR.
«Kamu vyhadna?» — zadajecca pytańniem Azaronak. I adkazvaje: hłabalizacyja musiła zrabić suśvietnym lidaram ZŠA, a vyjhraŭ Kitaj. Tamu hłabalizacyju Zachad i vyrašyŭ spynić.
Azaronak pracytavaŭ publikacyju «Lenty.ru» za 2015 hod pra «paśpiachovy łabaratorny ekśpierymient pa stvareńni hibrydnaj formy karanavirusa kažanoŭ». A taksama słovy sakratara Savieta biaśpieki RF Mikałaja Patrušava pra «asablivuju tryvohu» z nahody raźmiaščeńnia Złučanymi Štatami bijałabaratoryj pa ŭsim śviecie, skazanyja «jašče hod tamu».
«Treba vymavić słovy, za jakija siońnia tut ža abvieściać varjatam», — kaža Azaronak. I vymaŭlaje: «Bijałahičnaja zbroja».
«Rasija niadaŭna prapanavała zmahacca z pandemijaj usioj hramadoj, — kaža Azaronak. — Admianić sankcyi i abmiežavańni, abjadnać namahańni. Nie dali…»
Pa słovach Azaronka, adzin ź niamnohich, chto nie schiliŭsia pierad suśvietnym ciskam, chto «zachoŭvaje mužnaść, volu i charaktar», — heta kiraŭnik biełaruskaj dziaržavy.
«Za Biełaruśsiu zaraz sočać va ŭsim śviecie. I zajzdrościać», — upeŭnivaje Azaronak.
«Pryjšoŭ čas dakazać, što Biełaruś — nie isteryčnaja panienka-padletak, što schavała tvar pad maskaj, a hordaja respublika-partyzanka. Napieradzie — jubilej Pieramohi, sustreniem jaho hodna. Hniom svaju liniju».
Čytajcie taksama: Pamiatajecie prapahandysta Azaronka z 1990-ch? Ciapier jaho syn padros i plažyć apazicyju ŭ efiry STB
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
-
Statkievič źvinavaciŭ łukašystaŭ u etnacydzie i nazvaŭ procijadździe jamu
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary