Stała viadoma, na kolki za tydzień vyrasła kolkaść pnieŭmanij va Ušackim rajonie
Za 6 dzion kolkaść pnieŭmanij u rajonie vyrasła bolš čym na 50%.
10 krasavika ŭ haziecie Ušackaha rajona «Patryjot» było apublikavanaje intervju z hałoŭnym doktaram rajonnaj balnicy Siarhiejem Majsiejevym. «Na siońniašni dzień pad nahladam miedykaŭ — 35 pacyjentaŭ ź pnieŭmanijaj», — skazaŭ jon. Pacyjentaŭ u reanimacyi na toj momant nie było.
16 krasavika na sajcie «Patryjota» i ŭ jaho sacsietkach źjaviłasia novaja statystyka: 53 pacyjenty ź pnieŭmanijaj (heta značyć, rost bolš čym na pałovu za šeść dzion), pryčym 2 pacyjenty byli padłučanyja da aparataŭ ŠVŁ. Paźniej hety materyjał byŭ vydaleny, ale zastaŭsia ŭ pamiaci huhła.
«Zaraz u reanimacyjnym adździaleńni, raźličanym na šeść łožkaŭ, ustanoŭlena čatyry sučasnyja aparaty ŠVŁ, jašče dva jość u zapasie. Heta adzin ź lepšych pakazčykaŭ ukamplektavanaści na Viciebščynie. U ekstrannym vypadku (adnak spadziajusia, što hetaha nie spatrebicca!) možna vykarystoŭvać narkozna-dychalnyja aparaty, jakija taksama ŭ dastatkovaj kolkaści majucca ŭ našych apieracyjnych», — adznačaŭ doktar Maisiejeŭ 10 krasavika.
Jon taksama adznačyŭ, što adzin aparat štučnaj vientylacyi lohkich z našaj CRB pieradadzieny Dokšycam, dzie situacyja z karanavirusam najhoršaja ŭ rehijonie.
Nasielnictva Ušackaha rajona — mienšaje za 14 tysiač čałaviek.
«Mazki dla nastupnaha vyznačeńnia infiekcyi biarucca va ŭsich pacyjentaŭ z padazreńniem na COVID-19, z atypovym abo ciažkim ciačeńniem pnieŭmanii», — adznačaŭ hałoŭny doktar.
Ušačy naležać da «viciebskaj plamy» karanavirusa. Spačatku składanaja situacyja skłałasia ŭ samim Viciebsku, paśla jana raspaŭsiudziłasia na Dokšycki, Biešankovicki, Loźnienski, Šumilinski rajony, da ich, jak my bačym, dałučyŭsia Ušacki rajon. Tryvožnyja viestki dachodziać taksama z Pastaŭskaha rajona, Oršy, Połacka i Navapołacka.
Pnieŭmanija — heta typovaje ŭskładnieńnie pry karanavirusie, jano zdarajecca prykładna ŭ 15% chvorych.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha16
Kamientary