«Taki cyrk vyklikaje šalenstva». Miedykaŭ Viciebska i Minska prymušajuć udzielničać u subotniku
Miedyki Viciebska sihnalizujuć u «Našu Nivu», što ź ich źbirajuć hrošy na subotnik.
Arhanizacyi achovy zdaroŭja ŭ hety nahružany čas vymušany abo vyvieści na raboty častku miedykaŭ, abo zdać niejkuju sumu z kalektyvu. Unioski raźbityja ŭ zaležnaści ad katehoryi rabotnika.
«Dumaŭ, što sioleta choć abydziecca, ale z daktaroŭ pa 5 rubloŭ, ź miedsiastry 3, z sanitarki 1 rubiel, — raskazaŭ «Našaj Nivie» doktar Viciebskaj abłasnoj balnicy.
— Mnie soramna, što takoje adbyvajecca ŭ majoj krainie, ja nie razumieju, navošta my zdajom hrošy. Hetak ža ciažka znajści łohiku ŭ pryborcy terytoryi miedykami — navošta tady ŭtrymlivać administratyŭna-haspadarčuju častku balnicy. Atrymlivajecca, jany ničoha nie robiać da taho? Ale my chacia b nikoli nie chadzili na pryborki, uvieś čas zdavali hrošy».
«Zahadčyki adździaleńniaŭ — 8 rubloŭ, daktary — 6, łabaranty — 5, sanitarki — pa 4», — ścisła skazaŭ nam pra pabory supracoŭnik viciebskaj sanstancyi, dzie ciapier ludzi pierahružanyja testami na COVID-19.
Toje ž datyčyć i paliklinik:
«Źbirajuć pa 8 rubloŭ ź miedykaŭ, z łabarantaŭ — pa 4. Raniej taksama źbirali sanitarak z adździaleńniaŭ na dobraŭparadkavańnie terytoryi palikliniki, ale pakul takich zahadaŭ nie pastupała, dumaju, raboty i tak dosyć. Chacia moža zaŭtra jašče što ŭčudziać», — skazaŭ «Našaj Nivie» terapieŭt adnoj ź viciebskich paliklinik.
«Kaniečnie, jość niejkaje pačućcie niespraviadlivaści, ale my da jaho ŭ niejkim sensie pryvykli, ale kali ty na pieradavoj, to taki cyrk vyklikaje šalenstva.
Za rabotu «va ŭmovach karancinu» mnie dali nadbaŭku kala 30 rubloŭ, i ŭ hetym ža miesiacy źniali 20 rubloŭ za padpisku na haziety, ad jakich ty nie možaš admovicca, ciapier siudy 8 — voś jakaja spraviadlivaść», — padzialiŭsia pačućciami miedyk.
Na 9-j padstancyi chutkaj dapamohi Minska taja samaja situacyja: častka miedykaŭ pavinna vyjści na subotnik.
Pres-sakratarka Ministerstva achovy zdaroŭja Julija Vanina praihnaravała pytańnie «Našaj Nivy» pra subotnik.
U adpaviednych adździełach orhanaŭ miascovaj ułady taksama na kantakt z presaj pa hetym pytańni nie pajšli.
Miedyki ŭ čas pandemii pracujuć u asablivym režymie. Ministr achovy zdaroŭja Uładzimir Karanik 6 dzion tamu paviedamiŭ pra toje, što zarazilisia karanavirusam 419 miedrabotnikaŭ. Bolš śviežaj statystyki pra kolkaść infikavanych miedykaŭ my nie majem.
«Naša Niva» pisała pra siem vypadkaŭ śmierci rabotnikaŭ miedustanoŭ ad pnieŭmanij za apošnija čatyry tydni. Jany zdarylisia ŭ Viciebsku, Biešankovičach, Dokšycach, Barysavie i Minsku. Siarod pamierłych — 41-hadovaja miedsiastra ź Viciebska, 45-hadovaja miedsiastra z Dokšyc, 47-hadovaja miedsiastra ź Viciebska i 50-hadovy fielčar chutkaj dapamohi z Barysava.
Jak paviedamlali viciebskija ŭłady, kab pakryć deficyt miedykaŭ, na pracu ŭ viciebskija balnicy i palikliniki adpravili kala 100 studentaŭ staršych kursaŭ Viciebskaha dziaržaŭnaha miedycynskaha ŭniviersiteta.
Čytajcie taksama: U Stoŭbcach šmatlikija śmierci ad pnieŭmanij i karanavirusa. Raskazvajuć svajaki
Zahinuŭ biełaruski dobraachvotnik Vasil «Dzir» Rapicki11
Kamientary