«Pnieŭmanija». U Minsku pamior dziejač tałyšskaha nacyjanalnaha ruchu Kachin Mirzalizade
Kachinu Mirzalizade było 52 hady.
Jaho špitalizavali ź pnieŭmanijaj. Rabili dva testy na karanavirus, abodva byli admoŭnymi. Pryčynaj śmierci Kachina Mirzalizade zapisali sardečnuju niedastatkovaść, raspaviali «Našaj Nivie» jaho svajaki.
Mirzalizade doŭhija hady žyŭ u Biełarusi. Jon vučyŭsia u Bresckim palitechu, paśla pieravioŭsia ŭ stalicu, u Biełaruski nacyjanalny techničny ŭniviersitet. U Minsku i zastaŭsia.
Mirzalizade zajmaŭsia budaŭničym biznesam, vałodaŭ kampanijaj «Simurh» i adnajmiennym mini-futbolnym kłubam.
Uradženiec Azierbajdžana Kachin Mirzalizade (Abiłaŭ) — tałyš pa nacyjanalnaści. Usio žyćcio zajmaŭsia abaronaj svajho małoha naroda, vyvučeńniem jaho kultury, vystupaŭ jak miecenat. Abiłaŭ byŭ zasnavalnikam i kiraŭnikom Mižnarodnaha fondu adradžeńnia tałyšskaj kultury, zasnavalnikam Tałyšskaj nacyjanalnaj akademii — abjadnańnia vučonych, jakija vyvučali tałyšskuju historyju, etnahrafiju, kulturu.
Tałyšy — nievialiki narod, što žyvie na poŭdni Azierbajdžana i poŭnačy Irana i havoryć na movie indajeŭrapiejskaj hrupy. Tałyšoŭ usiaho niekalki socień tysiač, im niaprosta zachoŭvać svaju kulturu i movu.
«U pačatku 90-ch Mirzalizade byŭ členam Narodnaha Fronta, siabravaŭ ź dziejačami biełaruskaj kultury, u tym liku z paetam Ryhoram Baradulinym. Razam z Baradulinym jany padrychtavali zbornik pierakładaŭ tałyšskaj paezii na biełaruskuju movu, jaki pakul tak i nie ŭbačyŭ śviet», — raspaviali svajaki.
Syn Mirzalizade — viadomy komik Idrak Mirzalizade.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha36
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu134134
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu134
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary