Pieratrus u Biełhazprambanku. Zaviali spravy za padatki i admyvańnie hrošaj — da 7 hadoŭ źniavoleńnia
Jak paviedamlajuć ludzi ŭ sacyjalnych sietkach, prachodzić pieratrus u ofisie Biełhazprambanka ŭ Minsku, jakim kiravaŭ patencyjny kandydat u prezidenty Viktar Babaryka. Tudy prybyli kala 50 siłavikoŭ u maskach.
Kala budynka i ŭ faje nijakich śladoŭ pracy siłavikoŭ. Tolki abjava, što siońnia depazitarnaje schovišča nie pracuje.
Pres-słužba Kamiteta dziaržkantrolu paviedamlaje, što zaviedziena kryminalnaja sprava pa č. 2 art. 243 «Uchileńnie ad vypłaty sum padatkaŭ i zboraŭ u asabliva bujnym pamiery», č. 2 art. 235 «Lehalizacyja srodkaŭ, atrymanych złačynnym šlacham, u asabliva bujnym pamiery».
Paviedamlajecca taksama pra pieratrusy ŭ členaŭ inicyjatyŭnaj hrupy hetaha byłoha bankira-miecenata. A taksama paviedamlajecca, što DFR u kampanii PryvatLizinh, jakuju raniej zhadvaŭ Łukašenka.
***
DFR dabraŭsia da TAA «Kampary».
Vobšuk idzie ŭ dyrektara, jon adzin ź siabroŭ inicyjatyŭnaj hrupy, a namieśnik dyrektara — saŭładalnik Pryvatlizinhu.
Pieratrus u «Pryvatlizinhu», pryjechali rabotniki DFR z usioj krainy
***
Jak pakazvajuć sacyjałahičnyja apytańni, mienavita Babaryka karystajecca najbolšaj padtrymkaj vybarcaŭ. Akramia taho, jon sabraŭ najbolšuju siarod alternatyŭnych kandydataŭ inicyjatyŭnuju hrupu, choć źbiraŭ jaje ŭsiaho niekalki dzion i tolki praz sacyjalnyja sietki. Pa stanie na ŭčora jon abvieściŭ pra 285 tysiač sabranych u svaju padtrymku podpisaŭ, što taksama rekord.
Apytanka
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ46
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary