«Nie pieranošu zaduchi»: Łukašenka padčas vystupu ŭ vč 3214 źniaŭ halštuk VIDEA
Kanał ANT u prahramie «Dvoje z pałaca» pakazaŭ cikavy momant, jak Alaksandr Łukašenka, vystupajučy ŭ bryhadzie 3214 28 lipienia, asłabiŭ halštuk, źniaŭ jaho i addaŭ kiraŭniku Administracyi Iharu Sierhiejenku.
«Pytańnie vybaraŭ prezidenta — heta pytańnie druhasnaje, — kaža Łukašenka. — Pytańnie najpierš zachavać krainu».
«Razmova niby pavysić hradus u i biez taho śpiakotny dzień», — kamientuje žurnalistka.
«Z vašaha dazvołu, — kaža Łukašenka, asłablaje, a potym zdymaje halštuk i addaje jaho Iharu Sierhiejenku. — Ja čałaviek paŭnočny, zusim nie pieranošu zaduchu».
Raniej paviedamlałasia, što padčas vystupaŭ Alaksandra Łukašenki zaŭsiody panižajuć tempieraturu ci ŭklučajuć mocny kandycyjanier.
U vč 3214 Alaksandr Łukašenka zajaviŭ pra toje, što pieranios karanavirus bieśsimptomna.
Nieŭzabavie paśla vystupu ŭ vč 3214 Alaksandr Łukašenka na try dni źnik z ekranaŭ, što padčas vybarčaj kampanii ekstraardynarna. Źjaviŭsia jon tolki 1 žniŭnia na sustrečy z Šejmanam i Kačanavaj, dzie jahony hołas hučaŭ niezvyčajna. Voś videa:
Kamientary