Abstrukcyja, zroblenaja Łukašenku rabotnikami MZKC, stała najmacniejšym psichałahičnym udaram
Rabotniki pramysłovaści prajavili vyklučnuju palityčnuju śviadomaść. Hihanty Biełaruśkalij i BMZ ustali całkam, zabastoŭku padtrymali Naftan (https://t.me/nashaniva/10920), Hrodna-Azot, rabotniki MTZ, MAZ, Matornaha zavoda, METZ, Hrodnažyłbuda, MZKC dy tysiač inšych pradpryjemstvaŭ. Heta pieršaja takaja ŭsieahulnaja akcyja pratestu pramysłovaści ŭ historyi Biełarusi. Navat u 1991 rabočyja vystupy nie byli takija družnyja.
Abstrukcyja, zroblenaja Łukašenku rabotnikami MZKC, stała najmacniejšym psichałahičnym udaram. Jon jechaŭ na zavod, jaki ličyŭ apłotam svajoj padtrymki, a atrymaŭ u tvar nie tolki skandavańnie «Uchadzi!» (https://t.me/nashaniva/10757), ale i žorstkija maty, i vykryk «Aficer? Zastrelsia! (https://t.me/nashaniva/10810)» Uvieś śviet pravioŭ paraleli (https://t.me/nashaniva/10763) z apošnimi dniami Čaŭšesku.
Demanstranty siońnia ledźvie vałakli nohi (https://t.me/nashaniva/10777) paśla ŭčarašniaha marafonskaha Maršu za svabodu. Tym nie mienš, vialikija hrupy ceły dzień akružali BT i ANT, padtrymlivajučy bastujučuju tam častku kalektyvaŭ, a ŭviečary zaniali płošču Niezaležnaści i danieśli huki nadziei (https://t.me/nashaniva/10900)da palitviaźniaŭ na Vaładarcy i Akreścina. A čarhovy hihancki mitynh u Hrodnie prarvaŭsia (https://t.me/nashaniva/10914) na dziaržaŭnaje TV.
Stała viadoma, što zaŭtra Mierkiel budzie havaryć z Pucinym pra Biełaruś, i heta vydatna, bo ŭciahnienaść Jeŭropy daje harantyju dapamohi i kantrolu ź jaje boku.
Siońnia demanstranty zapatrabavali adstaŭki ministra Karanika, jamu daviałosia pieražyć nie samyja pryjemnyja chviliny (https://t.me/nashaniva/10859). Dumajecca, zaŭtra toje samaje čakaje Minkult i Bondara — paśla zvalnieńnia Paŭła Łatuški (https://t.me/nashaniva/10896) i cisku na dyrektara Niaśvižskaha (https://t.me/nashaniva/10927) muzieja. A ŭ čaćvier, kali delehacyja ŭrada maje vinšavać Biełstat sa 100-hodździem, hetaje viedamstva moža atrymać svaju porcyju słavy: Biełstat dahetul nie apublikavaŭ statystyku śmiarotnaści ŭ pieršym paŭhodździ, choć usie minułyja hady jany źjaŭlałasia da kanca lipienia. Mnohija ličać, što heta śviadomaje zamoŭčvańnie sapraŭdnych nastupstvaŭ karanavirusa.
Tendencyja — pavodziny siłavikoŭ. Padpałkoŭnik ź Lidy siońnia mocna raskazaŭ, jak milicyju rychtavali da procizakonnych dziejańniaŭ padčas vybaraŭ, a vieterany «Alfy (https://t.me/nashaniva/10820)» KDB i suvoraŭcy maralna padtrymali pratesty. Paniadziełak byŭ taksama 5-m zapar dniom biez nasilla.
Łukašenka na MZKC zajaviŭ «Poka vy mienia nie ub́jetie, druhich vyborov nie budiet». Adnak zabastoŭki na zavodach kančatkova demaralizavali jaho aparat, jaki biaździejničaje i ŭ jakoha zastajecca, zdajecca, tolki adna nadzieja: što pratesty vydychnucca, zhasnuć sami saboj, što pratestujučym nie chopić enierhii. Abo nadzieja na Rasiju, jakuju jašče niadaŭna malavali lalkavodam. Ale zvarot da Maskvy moža stać fatalnym dla Łukašenki krokam, bo jaho nie pacierpiać navat tyja struktury, jakija dahetul maŭčali.
Kamientary