U subotu ŭ Sievastopali ŭ anieksavanym Rasijaj Krymie pavinny adnavić prodaž bienzinu i dyzielnaha paliva, jaki byŭ pierapynieny ŭ niadzielu na minułym tydni na fonie atak ukrainskich dronaŭ i paliŭnaha kryzisu na paŭvostravie, piša Bi-bi-si.
Kiraŭnik horada Michaił Razvažajeŭ napiaredadni viečaram paviedamiŭ, što paliva buduć adpuskać pa QR-kodach, jakija pačali vykarystoŭvacca jašče da prypynieńnia prodažaŭ.
Adziny sposab atrymać QR-kod — zajści ŭ bot u dziaržaŭnym miesiendžary Max.
Praciahvaje dziejničać abmiežavańnie — zapravić možna tolki 20 litraŭ na adzin aŭtamabil.
U niadzielu, 21 červienia, kiraŭnik anieksavanaha Kryma Siarhiej Aksionaŭ zajaviŭ, što na ŭsich krymskich AZS «spynieny adpusk paliva jak za najaŭny i bieznajaŭny raźlik, tak i pa tałonach dla fizičnych i jurydyčnych asob». Zapraŭlali tolki aŭtamabili dziaržaŭnych słužbaŭ.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ2
Kamientary