«Budziem spadziavacca na dobry vynik». Daradca Cichanoŭskaj raskazaŭ pra kantakty z ZŠA nakont palitviaźniaŭ
Biełaruskija demsiły praciahvajuć kantaktavać sa śpiecpradstaŭnikom ZŠA Džonam Koŭłam nakont vyzvaleńnia palitviaźniaŭ u Biełarusi. Pakul iduć pieramovy, nie ŭsie ź ich lohkija, ale dypłamatyčny daradca Śviatłany Cichanoŭskaj Dzianis Kučynski spadziajecca na dobryja vyniki. Pra heta jon raskazaŭ u efiry «Biełsata».
«Nakont Koŭła i ZŠA. Heta praca praciahvajecca, my znachodzimsia ŭ stałym kantakcie. Jak i ŭ minułyja razy, kožnaje z vyzvaleńniaŭ patrabuje vialikaj pracy, vialikich pieramoŭ, šmat jakija patrabujuć cišyni. I taksama heta nie samyja lohkija pieramovy», — padkreśliŭ Dzianis Kučynski.
Ciapier jakraz stadyja pieramoŭ, dadaŭ jon:
«Budziem spadziavacca na dobry vynik, ale narmalizacyja stasunkaŭ z režymam nie moža adbycca, kali nie budzie narmalizacyi stasunkaŭ nie tolki z susiedziami, ale i taksama ź biełaruskim hramadstvam, kab byli spynienyja represii, nie sadžali novych ludziej i pajšli demakratyčnyja pracesy taksama».
Što tyčycca susiedziaŭ Biełarusi ź Jeŭrasajuza, to ich pazicyja adnosna Biełarusi zastajecca paśladoŭnaj i pryncypovaj.
«Tut niama niejkaha praryvu ŭ stasunkach pamiž režymam i Litvoj, Polščaj ci Łatvijaj. Tak, jość peŭnyja faktary. Naprykład, kažučy pra mihracyjny kryzis, značna mienšyja ličby mihrantaŭ. Ale šary tak ci inačaj usio adno navat niekalki tydniaŭ tamu lotali. Tamu tut miač na baku Łukašenki.
I Jeŭropa, i susiedzi hladziać na kompleksnyja dziejańni i na toje, što budzie nastupnym krokam, u doŭhaterminovaj pierśpiektyvie», — praciahvaje Dzianis Kučynski.
Jon adznačaje, što pakul minskija ŭłady zaniatyja Ukrainaj i naŭrad ci majuć resursy «šmatviektarna hulać» ź Jeŭropaj.
Džon Koŭł zajaviŭ, što vyzvaleńni palitviaźniaŭ buduć praciahvacca
«Chutka». Džon Koŭł adkazaŭ na pytańnie, kali pryjedzie ŭ Minsk
«Nie». Džon Koŭł prakamientavaŭ paviedamleńni, što vyzvaleńnie biełaruskich palitviaźniaŭ zapavoliłasia
«Peŭnaje nieparazumieńnie». U Cichanoŭskaj abvierhli infarmacyju, što vyzvaleńni palitviaźniaŭ «adkładzienyja na niekatory čas»
Viačorka: Kali Jeŭropa pačnie zdavać pierad Łukašenkam, heta asłabić amierykanskija pazicyi
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary