Maksim Bahracoŭ: Ułada razarvała kantrakt ź ludźmi hetak ža, jak Maryja Kaleśnikava — svoj pašpart
Ułady Biełarusi hruba parušyli kantrakt ź ludźmi. Pra heta ŭ intervju «Kamiersantu» skazaŭ staršy vice-prezident EPAM, siabra Kaardynacyjnaj rady Maksim Bahracoŭ.
— Ułada razarvała hety kantrakt hetak ža, jak Maryja Kaleśnikava — svoj pašpart! Na drobnyja kavałački. I pažmiakała, — skazaŭ Bahracoŭ.
Jon upeŭnieny, što pratestnyja nastroi zastanucca, navat kali ŭsich aktyvistaŭ razhoniać.
— Ich možna sprabavać pryhłušyć, jany buduć chvalepadobnymi, ale nikudy ŭžo nie syduć, — ličyć siabra KR - Chtości prychodziŭ i kazaŭ: «Kali my ličbavaja kraina, to čamu my nie možam padličyć hałasy sami?!» Paličyli. A ich za heta jašče i źbili. Jany ŭ turmach. Viadoma, nichto nie daruje. Tak što ŭ mianie dla vas jość, ja liču, matematyčny dokaz, što zamieści heta ŭsio pad kanapu nie atrymajecca. Pratest moža prymać roznyja formy. Ale budzie.
U žniŭni staršy vice-prezident EPAM Maksim Bahracoŭ uziaŭ biesterminovy adpačynak i dałučyŭsia da Kaardynacyjnaj rady. Jon kazaŭ, što ciapierašniaja situacyja ŭpłyvaje nie tolki na IT-biznes, ale i na ŭsiu reputacyju i ekanomiku krainy ŭ cełym.
-
U kabiniet hiniekołaha homielskaj palikliniki padčas ahladu žančyny zajšoŭ mužčyna-inžynier — ale vymovu zrabili nie jamu
-
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja
-
Słava Kamisaranka raskazaŭ, jak žyvie, kali zastaŭsia biez rasijskaha hramadzianstva
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja9
Kamientary