U Ispanii žyllovy kryzis — dziasiatki tysiač čałaviek vyjšli na pratesty
Udzielniki akcyi pratestu skardziacca, što na arendu idzie pałova zarobku: adnapakajovaja kvatera ŭ Madrydzie kaštuje kala 1000 jeŭra, heta pałova miedyjannaha zarobku.
U Ispanii prajšli masavyja pratesty, źviazanyja z žyllovym kryzisam, apisvaje The Guardian.
3 kastryčnika dziasiatki tysiač ludziej vyjšli na vulicy Madryda i inšych haradoŭ z patrabavańniem vyrašyć prablemu dastupnaści žylla. Pa danych uład, pratestavała 70 tysiač čałaviek, arhanizatary nazyvajuć ličbu 500 tysiač. Udzielniki zaklikali da ŭsieahulnaha strajku.
Nahodaj dla hnievu stała vysialeńnie 87‑hadovaj žančyny na invalidnym vazku z kvatery ŭ Madrydzie, dzie jana pražyła 70 hadoŭ. Inviestfond, jaki kupiŭ kvateru, padniaŭ arendu na 230%, i jana nie zmahła płacić. U adkaz urad Piedra Sančesa padrychtavaŭ dva dekrety, u tym liku zabaronu vysialeńniaŭ da 2030 hoda i rehulavańnie karotkaterminovaj i pakajovaj arendy. Ale 2 kastryčnika parłamient ich nie pryniaŭ: suprać prahałasavali kansiervatyŭnaja Narodnaja partyja, ultrapravaja Vox i katałonskaja partyja Junts. Narodnaja partyja tłumačyć svaju pazicyju tym, što žyllo stanovicca dastupniejšym nie praz dekrety, a praz budaŭnictva.
Udzielniki akcyi pratestu skardziacca, što na arendu idzie pałova zarobku: adnapakajovaja kvatera ŭ Madrydzie kaštuje kala 1000 jeŭra, heta pałova miedyjannaha zarobku. Pradstaŭnica Sajuza arandataraŭ, jaki arhanizavaŭ akcyju, śćviardžaje, što cisk vulicy za niekalki dzion daŭ bolš, čym urad za mnohija hady.
Pavodle ispanskich ŚMI, Sančes moža abviaścić daterminovyja vybary ŭ listapadzie i budzie aceńvać maštab pratestaŭ, pierš čym pryniać rašeńnie. Tema žylla ciapier daminuje ŭ hramadskaj dyskusii i navat dapamahła ŭradu, adciahnuŭšy ŭvahu ad niadaŭnich padziej u Sieucie.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt18
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary